بۇل تۋرالى ەلوردادا وتكەن باسپا ءسوز ءماسليحاتىندا سىرتقى ىستەر مينيسترلىگىنىڭ رەسمي وكىلى ايبەك سمادياروۆ ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«شەتەلدە قيىن جاعدايعا تاپ بولعان ەلىمىزدىڭ ازاماتتارىنا كومەك كورسەتۋ ماقساتىندا سىرتقى ىستەر مينيسترلىگىندە ءتيىستى قاراجات قاراستىرىلعان. وسى ورايدا قازاقستان ازاماتتارىنا قاتىستى شىعىنداردى مەملەكەت وتەيدى. جاقىندا يتاليادا ءبىزدىڭ ەلدىڭ ازاماتىن كولىك قاعىپ كەتىپ مەرت بولدى. بۇل قايعىلى وقيعا بويىنشا تۋىستارى بىزگە ءوتىنىش جاساعان بولاتىن. ءقازىر مارقۇمنىڭ مۇردەسىن قازاقستانعا جەتكىزۋگە قاراجات ءبولىنىپ جاتىر. بۇل تۇرعىدا ءتيىستى قۇجاتتار راسىمدەلەدى»، - دەدى ا. سمادياروۆ.
ەستەرىڭىزگە سالا كەتەيىك، جاقىندا يتاليانىڭ سالەرنو قالاسىندا 27 جاستاعى اسەم جاربوسىندى كولىك قاعىپ، مەرت قىلدى.
اتالعان ەلدىڭ جەرگىلىكتى ب ا ق تاراتقان مالىمەتىنە سايكەس، قايعىلى وقيعا سالەرنو قالاسىندا بولعان. 17 قاڭتار كۇنى Peugeo كولىگىن باسقارعان 20 جاستاعى جۇرگىزۋشى دجۋزەپپە ۆەردي وپەرا تەاترى ماڭىنداعى جاياۋ جۇرگىنشىلەر جولىندا ستۋدەنت قىزدى قاعىپ كەتكەن.