يتاليادا 250 مىڭ جولاۋشى دىتتەگەن جەرىنە ۋاقىتىندا جەتە الماي، الەككە ءتۇستى.
وعان اۋەجاي قىزمەتكەرلەرىنىڭ ەرەۋىلى سەبەپ. نارازىلىق اكسياسى سالدارىنان جۇزدەگەن رەيس ۋاقىتىندا ۇشپاعان، دەپ حابارلايدى Almaty-akshamy.kz 24.kz-كە سىلتەمە جاساپ.
بىرەر كۇن بۇرىن ەلدە تەمىر جول قىزمەتكەرلەرى ەرەۋىل ۇيىمداستىرعان ەدى. ءبارىنىڭ تالابى ءبىر - اشىنعان جۇرت جالاقىسىن كوتەرۋدى سۇرايدى.
يتاليا كولىك ءمينيسترى نارازى توپتى اقىلعا شاقىرىپ وتىر. ويتكەنى ءقازىر دەمالىس ماۋسىمى. تيىسىنشە ەرەۋىلدەر ارى-بەرى قاتىناعان جولاۋشىلارعا ءوز كەسىرىن تيگىزەدى.
"جولاۋشىلارعا قولايسىزدىق تۋعىزعانىمىز وكىنىشى. ءبىزدىڭ ماقساتىمىز باسقا. ءبىز ەڭبەك ءمينيسترى ماسەلەگە نازار اۋدارعانىن قالايمىز. ال ونداعىلار بولسا، ەسكەرتۋىمىزگە قاراماستان، كەلىسسوزدەرگە كونبەي، ەرەۋىلگە ءبىر كۇن قالعاندا عانا ءبىزدى كەزدەسۋگە شاقىردى. ولار بۇعان دەيىن قايدا بولدى؟" - دەيدى كولىك وداعىنىڭ وكىلى سارا دي ماركو.