جاساندى ينتەللەكت جانە سيفرلىق دامۋ ءمينيسترى جاسلان مادييەۆ قازاقستانداعى IT-نارىقتىڭ تابىستارى تۋرالى مالىمدەدى، دەپ حابارلايدى aqshamnews.kz
ونىڭ ايتۋىنشا، سوڭعى جىلدارى IT-نارىق تابىسىنىڭ ايتارلىقتاي ءوسۋى بايقالىپ وتىر.
"وتكەن جىلى IT-نارىقتىڭ جالپى كولەمى 2 ترلن تەڭگەنى قۇرادى. سونداي-اق IT-قىزمەتتەر ەكسپورتى دا جوعارى قارقىنمەن دامىپ كەلەدى. كۇتىلىم بويىنشا، ونىڭ كولەمى 1 ملرد اقش دوللارىنا جەتەدى"، – دەدى جاسلان مادييەۆ.
مينيستر مەملەكەت باسشىسى بۇل كورسەتكىشكە 2026 جىلى-اق قول جەتكىزۋ جونىندە ناقتى مىندەت قويعانىن ەسكە سالدى.
"IT سالاسى – ەلدەگى ەڭ جوعارى جالاقى تولەنەتىن سالالاردىڭ ءبىرى. رەسمي ستاتيستيكاعا سايكەس، IT-مامانداردىڭ ورتاشا جالاقىسى ەل بويىنشا ورتاشا ەڭبەكاقى دەڭگەيىنەن ەكى ەسە جوعارى"، – دەپ تولىقتىردى ۆيسە-پرەمەر.