بۇل تۋرالى قازاقستان ستاندارتتاۋ جانە مەترولوگيا ينستيتۋتى باسپا ءسوز قىزمەتىنەن ءمالىم بولدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«يەسى جوق جانۋارلارعا قاتىستى كۇردەلى ماسەلەلەر قوعامنىڭ ءجىتى نازارى مەن جەدەل ارەكەتىن قاجەت ەتەدى. بۇل تۇرعىدا قازاقستان ستاندارتتاۋ جانە مەترولوگيا ينستيتۋتى بۇرالقى يتتەردى اۋلاۋ جانە تاسىمالداۋ پروسەسىن رەتتەۋگە، سونداي-اق يەسىز يت پەن مىسىقتاردى كۇتىپ ۇستاۋعا ءارى ولارعا ەمدەۋگە باعىتتالعان ءتيىستى ستاندارت جوباسىن ازىرلەدى»، - دەلىنگەن اتالعان ينستيتۋت مالىمەتىندە.
ەندى بۇل ستاندارت كەلىسۋدەن ءوتۋ كەرەك. ياعني، قوعامنان ءتيىستى ۇسىنىستار بولسا، ولار اتالعان ستاندارتقا ەنگىزىلمەك. وسىدان كەيىن ونى جىل سوڭىنا دەيىن بەكىتۋ جوسپارلانىپ وتىر.
«جاڭا ستاندارتقا سايكەس، ەندى قاراۋسىز جۇرگەن يت-مىسىقتى اۋلايتىن قىزمەتتەر بۇل پروسەستىڭ ءار كەزەڭىن ۆيدەوعا نەمەسە فوتوعا تۇسىرۋگە مىندەتتى بولادى. بۇل قادامدار بۇرالقى يتتەرگە قاتىستى قاتىگەزدىك جاعدايلارىنا جول بەرمەۋگە باعىتتالعان. اۋلاۋ بارىسىندا ولاردى ولتىرۋگە، سونداي-اق ءقاۋىپتى بولاتىن ۋلانعان ازىق تۇرلەرىن پايدالانۋعا تىيىم سالىنادى. سونىمەن قاتار، ستاندار اياسىندا يەسىز جۇرگەن يت-مىسىقتاردى اۋلاۋ جانە تاسىمالداۋ كەزىندە قولدانىلاتىن پرەپاراتتارعا، قۇرىلعىلار مەن مەحانيزمدەرگە قويىلاتىن قاتاڭ تالاپتاردى بەلگىلەيدى»، - دەپ اتالىپ وتكەن ينستيتۋت اقپاراتىندا.
سونىمەن قاتار، تاسىمايتىن اۆتوكولىكتەردىڭ بولەك تورلارمەن، جەلدەتۋ جۇيەسىمەن جابدىقتالۋى ءتيىس.