قازاقستاننىڭ ءبىرىنشى، الەمنىڭ 39-راكەتكاسى الەكساندر بۋبليك يستبورن (ۇلىبريتانيا) ATP 250 ءتۋرنيرىنىڭ شيرەك فينالىنا ءوتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
قازاقستاندىق تەننيسشى ەكىنشى اينالىمدا دۇنيەجۇزىلىك رەيتينگتە 86-ورىندا تۇرعان اۋستراليالىق دجون ميللمانمەن شەبەرلىك بايقاستى. ا.بۋبليك ءبىرىنشى پارتيادا 6:4 ەسەبىمەن باسىمدىلىق كورسەتتى. ەكىنشىسىندە قارقىنىن ۇدەتە ءتۇستى – 6:2. ءبىر ساعاتقا سوزىلعان ماچ بارىسىندا بۋبليك 15 ەيس جاساپ، 3 برەيك-پوينتتى تۇگەلدەي پايدالاندى. قارسىلاسى ەيسپەن دە، برەيكپەن دە كوزگە تۇسە العان جوق. ا.بۋبليك جارتىلاي فينالعا شىعۋ ءۇشىن الەمنىڭ 14ء-ىنشى، وسى جارىستىڭ ءۇشىنشى راكەتكاسى، امەريكالىق تەيلور فريسپەن تالاسادى. ت.فريس ەكىنشى اينالىمدا تياگو مونتەيرونى جولدان تايدىردى – 7:5، 6:3.
تاعى ءبىر قازاقستاندىق الەكساندر نەدوۆەسوۆ جۇپتىق سىندا پاكستاندىق ايسام كۋرەشيمەن بىرگە شيرەك فينالدا نيدەرلاندىلىق ماتۆە ميددەلكوپ – اۋستراليالىق ليۋك سيەۆيلگە ەسە جىبەردى – 6:4، 4:6، 3:10. ءسويتىپ جارتىلاي فينالعا شىعا الماي قالدى.
سونداي-اق زارينا دياس بيىلعى جارىستارعا قاتىسا المايتىنىن مالىمدەدى.