يسپانيانىڭ بوزىمەن پاريجگە

وليمپياداعا باراتىن ۇلتتىق قۇرامانىڭ كيىمى قازاقستاندا تىگىلمەيدى.

سپورتشىلارعا ارنالعان كيىم دەمەۋشىلەردىڭ ەسەبىنەن تىگىلەدى، دەپ حابارلايدى Almaty-akshamy.kz

«فورما ساپالى بولادى دەپ سەنەمىز. سەبەبى، قاڭتاردا ۇلكەن كوميسسيا قۇرىلدى. ونىڭ ىشىندە 25 ادام بولدى. كوميسسيا قۇرامىنا الەم جانە وليمپيادا چەمپيوندارى، قوعام بەلسەندىلەرى ەندى. ءبىرىنشى كەزەڭدە 8 ديزاينەر قاتىستى. ناتيجەسىندە 6 فورمانىڭ ەسكيزىن تاڭداپ الدىق. الايدا ونىڭ اراسىندا دۇرىس فورما بولمادى. سوندىقتان ەكىنشى كەزەڭىن ۇيىمداستىردىق. ناتيجەسىندە سىزدەرگە كورسەتكەن فورمانى تاڭداپ الدىق»، - دەدى تۋريزم جانە سپورت ءمينيسترى ەرمەك مارجىقپايەۆ.

ءمينيستردىڭ ايتۋىنشا، قازاقستان سپورتشىلارىنىڭ وليمپياداعا ارنالعان كيىمدەرىن تىگۋگە مەملەكەت بيۋدجەتىنەن قارجى بولىنبەيدى. سپورتشىلارعا ارنالعان كيىم تولىقتاي دەمەۋشىلەردىڭ ەسەبىنەن تىگىلەدى.

«كيىم ساپالى بولادى. سپورت كيىمىن يسپانيانىڭ Joma كومپانياسى تىگەدى. قارجى دەمەۋشىلەر ەسەبىنەن بولادى. جالپى، ءقازىر قانشا قارجى جۇمسالاتىنىن ايتا المايمىز. ازىرگە ناقتى سومانى بىلمەيمىز، ەسەپتەپ جاتىرمىز. الدىمەن پاريج وليمپياداسىنا قانشا سپورتشىمىز جولداما الاتىنىن ناقتىلاپ الايىق. ءقازىر قانجىعامىزدا 32 ليسەنزيا بار. ول – 31 ادام. تاعى 50-70 ليسەنزيا الامىز دەگەن سەنىم بار. وسىعان بايلانىستى قانشا قارجى كەرەكتىگىن قاراستىرامىز»، - دەدى مينيستر.