قالاارالىق اۋە كولىگى 200 شاقىرىمدى نەبارى 4 مينۋتتا ەڭسەرەدى. بۇل تاكسي-ۇشاقتاردىڭ تاعى ءبىر ارتىقشىلىعى ەلەكتردەن قۋات الادى ياعني قورشاعان ورتاعا زيانى از. يسپانيانىڭ مايوركا قالاسى مەن يبيسا ارالى اراسىندا ۇشاتىن تاكسي قاتىناي باستادى، دەپ حابارلايدى Almaty-akshamy.kz.
ءبىز پيلوتتىق جوبانى ءبىر اي بويى سىناقتان وتكىزەمىز. ەگەر سۇرانىس كوپ بولسا، تاكسي يسپانيانىڭ باسقا دا قالالارى اراسىندا قاتىنايدى. بۇل ەلەكترلى قوزعالتقىشپەن جۇرەتىن تىكۇشاقتاردىڭ جاڭا بۋىنى، - دەيدى ءوندىرىس كومپانياسىنىڭ باس ديرەكتورى كارلوس پوۆەدا.
پيلوتتىق جوبانى باستاۋ ءۇشىن ماماندار بەس جىل بويى تەر توككەن. قاۋىپسىزدىك ءوز الدىنا، ۇشاتىن تاكسيلەردىڭ لوگيستيكاسىن ۇيىمداستىرۋ دا – اسا شەبەرلىكتى تالاپ ەتتى،- دەپ جازدى BAQ.KZ. ماماندار مۇنى ينتەللەكتۋالدىق ترانسپورت تۇرىنە جاتقىزىپ وتىر، ويتكەنى كولىكتى قۇراستىرۋ كەزىندە اەروعارىشتىق تەحنولوگيالار مەن يننوۆاسيالىق شەشىمدەر قولدانىلعان.
باستاپقىدا ءبىر ۇشاقتىڭ سالماعى 720 كگ ەدى، ال قۋاتى نەبارى 60 شاقىرىمعا عانا جەتەتىن. ءقازىر ءبىز ونىڭ سالماعىن 550 كگ-عا دەيىن تۇسىردىك، ناتيجەسىندە 200 شاقىرىمدى وڭاي ەڭسەرە الاتىن بولدى، - دەدى تەحنيكالىق ديرەكتور حاۆەر رومو.