اۋىر اتلەت كەشە وز-وزىنە قول جۇمساعان ەدى
قازاقستان چەمپيونى ۆلاديمير سەدوۆتىڭ قازاسىنا وراي اۋىر اتلەتيكا فەدەراسياسى مارقۇمنىڭ وتباسىنا 5 ملن تەڭگە كومەك بەرىلەتىنىن مالىمدەدى، دەپ حابارلايدى Almaty-akshamy.kz.
ۆلاديمير سەدوۆ - قازاقستان رەسپۋبليكاسىنىڭ ەڭبەك سىڭىرگەن سپورت شەبەرى، حالىقارالىق دارەجەدەگى سپورت شەبەرى، قازاقستاننىڭ بىرنەشە دۇركىن چەمپيونى جانە رەكوردشىسى، دەپ جازدى Azattyq Rýhy.
«ول بالا كەزىنەن قازاقستاندىق سپورتقا بەرىلگەن. 2008 جىلعى وليمپيادادا 84 كەلىگە دەيىنگى ساناتتا ءتورتىنشى ورىن يەلەندى. ۇزدىك جەتىستىكتەرى ءۇشىن «قۇرمەت» وردەنىمەن ماراپاتتالعان»، - دەلىنگەن فەدەراسيا مالىمدەمەسىندە.
ۆلاديمير سەدوۆ 35 جاستا ەدى.
«ق ر اۋىر اتلەتيكا فەدەراسياسى ۆلاديمير سەدوۆتىڭ وتباسىنا بەس ميلليون تەڭگە كولەمىندە كومەك كورسەتەدى، سونداي-اق ۇلىن تاربيەلەۋدە قاجەتتى قولداۋ جاسايدى»، - دەلىنگەن حابارلامادا.
فەدەراسيا سپورت ارداگەرلەرىن قولداۋ جونىندەگى باعدارلاما ازىرلەمەك. وسىلايشا مۇقتاج اۋىر اتلەتتەرگە قاجەتتى كومەك كورسەتىلەدى. بيىل وسى باعدارلاما بويىنشا سپورتشىلار مەن جاتتىقتىرۋشىلاردى قولداۋعا دەمەۋشىلىك قاراجات ەسەبىنەن 10 ميلليون تەڭگە بولىنەدى.
ەسكە سالا كەتەيىك، 27 ماۋسىمدا اۋىر اتلەت ۆلاديمير سەدوۆتىڭ اۋىلداعى ءوز ۇيىنەن ءولى كۇيىندە تابىلعان ەدى.