دوداعا 55 ەلدەن سپورتشىلار قاتىسۋدا
تۇركيانىڭ كونيا قالاسىندا ءوتىپ جاتقان يسلام ىنتىماقتاستىعى ويىندارىندا ەل قۇراماسى قورجىنىنا تاعى ءۇش التىن مەدال ءتۇستى، دەپ حابارلايدى Almaty-akshamy.kz قازاقپارات-قا سىلتەمە جاساپ.
بۇگىنگى ويىنداردا قازاقستاندىقتار سپورتتىڭ بىرنەشە تۇرىنەن ونەر كورسەتتى.
كيكبوكسينگتە 63،5 كەلىدە سىنعا تۇسكەن باتىرحان قۋاندىقوۆ جەڭىس تۇعىرىنا كوتەرىلدى. ول فينالدا وزبەكستاندىق قارسىلاسىن قاپى قالدىرىپ كەتتى.
سونداي-اق اتالعان جارىس تۇرىنەن ءاليحان وزدويەۆ (67 كەلى)، مارات ءوسىپوۆ (71 كەلى) التىننان القا تاقتى.
ال سپورتتىق گيمناستيكادان قىزدار كوماندالىق ەسەپتە ءۇشىنشى ورىنعا تابان تىرەدى.
يسلام ىنتىماقتاستىعى ويىندارى 2005 جىلدان بەرى تۇراقتى وتكىزىلىپ كەلەدى. بيىل بەسىنشى مارتە جالاۋىن جەلبىرەتتى.
بيىلعى دوداعا 55 ەلدەن سپورتشىلار كەلدى. ويىندار 8 تامىزدا باستالعان، 18 تامىزدا اياقتالادى.