اتا-بابادان بۇگىنگى ۇرپاققا مۇرا بولىپ كەلە جاتقان ۇلتىمىزدىڭ اسىل قازىنالى قۇندىلىقتارىن ودان ءارى دامىتىپ، تۋعان وتانىمىزدىڭ ساپالى ونىمدەرىن ەلگە، الەمگە تانىتۋ ماقساتىندا قازاق انالارى بارلىق كۇش-جىگەرىن سالۋدا.
سەنىمدىلىك – تابىسقا جەتۋگە دەگەن بويداعى ەرەكشە سەزىمدى ارەكەتكە جەتەلەيدى. سونىڭ سالدارىنان العا قويعان ماقسات بيىك بەلەستەرگە شىعۋعا ىقپال ەتەدى.
«ەل اناسى» قوعامدىق قور جەتەكشىسى، التى بالانىڭ اناسى كۇمىس القا يەگەرى مەملەكەتتىك گرانتتار ۇتىپ، «ارۋاي برەند» سەحىن اشىپ، ءوز كاسىبىن دامىتىپ كەلە جاتقان اۋەزوۆ اۋدانىنىڭ تۇرعىنى اياۋلى جار، ارداقتى انا ەسەنبەكوۆا ساندۋعاش مىرزابەكقىزىن ەرەكشە ماقتانىشپەن ايتقىمىز كەلەدى.
بۇگىنگى تاڭدا «ارۋاي برەند» سەحىندا كورپە-توسەكتەردى ناعىز قازاقي ويۋ-ورنەكتەرمەن اشەكەيلەندىرىپ جاساپ ۇمىت بولىپ كەلە جاتقان دۇنيەنى قايتا جاڭعىرتۋ ماقساتىندا ەڭبەك ەتىپ كەلەدى.
ءبىلىم الۋ قۇپياسى مەن قولونەر شەبەرلىگىن قاتار الىپ جۇرگەن اسىل انالارىمىزدىڭ التىن ۋاقىتتارىن بوس جىبەرمەي ەڭبەك سالاسىنا ەرەكشە دەن قويىپ باسقا دا ۇيدە جۇمىسسىز وتىرعان انالاردى ءوز تاجىريبەسىمەن باۋلىپ، كاسىپ باستاۋعا دەگەن كەڭ جولدى اشىپ بەرۋدە.
اتالعان سەح جانىنان ارنايى وقىپ ۇيرەنۋ كۋرسىن اشىپ، كيىم تىگۋ سالاسىن دا ىسكە قوسىپ، ءبىراز انالار سول جەردە ءۇش ايلىق تەگىن ءبىلىم الىپ، جۇمىسقا ورنالاسۋعا دا ءارى قاراي زور مۇمكىندىك بار.
ساندۋعاش مىرزابەك قىزى ءوزىنىڭ جان-جاقتى ىزدەنىمپازدىعى مەن ءبىلىمىنىڭ ارقاسىندا «دامۋبالا» باعدارلاماسىنىڭ اياسىندا ۇيىرمەلەر اشىپ بۇگىنگى تاڭدا مەكتەپ جاسىنداعى بالالار جينالىپ دومبىرا، سۋرەت سالۋ جانە بي تۇرلەرىنەن ءدارىس الۋدا.
ىسكەر انا ءوزىنىڭ ءوز تاجىريبەسىن ءوزىنىڭ كاسىپكەرلىك جولىن باسقا دا ۇيدە وتىرعان، قىزىعۋشىلىق تانىتقان انالارعا كومەكتەسۋگە دايىن. ءبىلىمى مەن تاجىريبەسىمەن بولىسەدى.
«ەل اناسى» قورى اتىنان مۇقتاج انالارعا ارنايى سەحتا دايىندالعان كورپە-توسەنىشتەردەن دە ۇلەستىرىپ قايىرىمدىلىق ءىس جاساپ وتىرادى.
وسىنداي كەڭ جۇرەكتى، ءبىلىمدى، كاسىبىن دوڭگەلەتىپ وتىرعان انالارىمىزعا ەرەكشە العىس ايتىپ، بولاشاقتا بيىك بەلەستەردى باعىندىرىپ، كاسىپتەرىن وركەندەي بەرۋىنە تىلەكشىمىز.
بۇگىنگى تاڭدا الماتى قالاسى، اۋەزوۆ اۋدانى «باقىتتى وتباسى» باعدارلاماسى اياسىندا كوپبالالى، از قامتىلعان، تولىق ەمەس جانە مۇمكىندىگى شەكتەۋلى بالالارى بار وتباسىلارعا ارنالعان الەۋمەتتىك ورتالىقتا جۇمىس ىستەپ كەلەدى. بۇل اتالعان باعدارلامانىڭ كومەگىمەن قانشاما مۇقتاج جانداردىڭ تۇرمىس-جاعدايلارى جانە ورتالىقتان قىزمەت الۋشى انالار وزدەرىنە قاجەتتى باعىت-باعدار العاندارىن ايتۋعا بولادى. ورتالىقتا تەگىن پسيحولوگ جانە زاڭگەر قىزمەتتەرىنەن باسقا «بيزنەس بويىنشا كەڭەس»، «ەسەپ-قيساپ كەڭەسى»، «ءوز –ءوزىن ارلەۋ، ساندەۋ»، تىگىن جانە كونديتەرلىك سەكىلدى تەگىن كۋرستاردى ءۇيرەتەءدى. كاسىپپەن اينالىسقىسى كەلەتىن انالاردىڭ بيزنەس يدەياسىن جۇزەگە اسىرىپ، ارنايى مەملەكەتتىك گرانتتاردى قورعاۋعا دەيىنگى دايىندىق جۇمىستارىن اتقاراتىن ترەنەرلىك كۋرستار جۇرگىزىلەدى. ءاربىر قىزمەت الۋشى انا جەكە جانە جانۇيالىق جاعدايدا زاڭگەر كەڭەسى نەمەسە پسيحولوگ كەڭەسى قاجەت بولسا ورتالىقتاعى ماماندارعا كەلەدى. سونىمەن قاتار، مەكتەپ جاسىنا دەيىنگى بالالار ءۇشىن ارنايى دايىندىق ساباقتارى ءوز كەزەگىمەن ءوتىپ جاتقانىن ايتا كەتەمىز. وندا تاربيەشى، ماماندار مەكتەپ الدى وقۋ، جازۋ سۋرەت سالۋ، جەلىممەن ءتۇرلى جابىستىرۋ جۇمىستارىن جاساۋعا باۋليدى. سالاۋاتتى ءومىر سالتى، دەنساۋلىق ءاربىر ادامنىڭ باستى بايلىعى ەكەنىن ەسكەرە كەلە ورتالىعىمىزدا ءبىر جاسقا تولماعان بۇلدىرشىندەرىمىزگە ارنايى مامان ماسساج جاسايدى. وتباسىنىڭ رۋحاني قۇندىلىقتارى مەن اتا-بابادان مۇرا بولىپ كەلە جاتقان سالت-داستۇرلەرى، ادەپ-عۇرىپتارىن ناسيحاتتاۋ بارىسىندا ءاربىر كۇنتىزبەلىك مەرەكەلەردە ارنايى ساحنالىق ءىس-شارالار وتكىزىلىپ تۇرادى.