ەنەرگەتيكا ءمينيسترى الماسادام ساتقالييەۆ كەيبىر جانارماي قۇيۋ بەكەتتەرىندە اي-95 ماركالى بەنزيننىڭ جەتىسپەي جاتقانى تۋرالى ايتتى.
بۇل شىمكەنت مۇناي-حيميا زاۋىتىنداعى جوندەۋ جۇمىستارىنا بايلانىستى بولىپ وتىر، دەپ حابارلايدى Almaty-akshamy.kz
«اي-95 ماركالى بەنزيننىڭ تاپشىلىعى بايقالدى. بۇل شىمكەنت مۇناي-حيميا زاۋىتىنداعى جوندەۋ جۇمىستارىنا، سونداي-اق اتىراۋ زاۋىتىنىڭ اپاتتى جاعدايدا توقتاپ قالۋىنا بايلانىستى بولىپ وتىر. ءقازىر مۇناي بازالارى مەن زاۋىتتاردا قاجەتتى كولەم جينالدى. جانارمايدىڭ بۇل ءتۇرى اكىمدىكتەردىڭ وتىنىشىنە سايكەس جونەلتىلىپ جاتىر. تۇتىنۋ كولەمى ارتقان ايماقتاردا ازداپ كەشىگۋلەر بولۋى مۇمكىن. جانارماي تاپشىلىعى ىشكى جەتكىزىلىم ەسەبىنەن جابىلادى»، - دەدى مينيستر تىلشىلەر ساۋالىنا.
ول جانارمايدىڭ بۇل تۇرىنە قاتىستى باعا وزگەرىسى بولۋى مۇمكىن ەكەنىن، دەگەنمەن مينيسترلىك باعانىڭ كۇرت وسۋىنە جول بەرمەۋ ءۇشىن جۇمىس ىستەپ جاتقانىن ەسكە سالدى.
«اي 95 ماركاسى رەتتەلمەيتىن جانارماي تۇرىنە جاتاتىندىقتان، اۆتوبەكەتتەر باعانى كوتەرۋگە قۇقىلى. ەنەرگەتيكا مينيسترلىگى رەتىندە ءبىز باعا كورسەتكىشى بويىنشا ۇسىنىستار جاساي الامىز. سوندىقتان جانارمايدىڭ بۇل ءتۇرىنىڭ باعاسى كۇرت قىمباتتاپ كەتپەس ءۇشىن قازىرگى كەزدە ءونىم يەلەرىمەن دە، جانارماي قۇيۋ ستانسيالارى بار كاسىپورىندارمەن دە جۇمىستار جۇرگىزىپ جاتىرمىز»، - دەدى ا. ساتقالييەۆ.