جالپى ىشكى ىستەر مينيسترلىگىندە 11 پايىزعا دەيىن قىسقارتۋ ءجۇردى.
ق ر ءىىم اكىمشىلىك پوليسيا كوميتەتى ءتوراعاسىنىڭ ورىنباسارى الەكسەي ميليۋكتىڭ مالىمدەۋىنشە، ەلىمىزدىڭ ىشكى ىستەر ورگاندارىندا قىزمەت اتقارعان 1،5 مىڭ لاۋازىمدى تۇلعا قىسقارتۋعا ۇشىرادى، دەپ حابارلايدى Almaty-akshamy.kz
«ىشكى ىستەر مينيسترلىگى قۇقىق قورعاۋ ورگاندارى قىزمەتىنە قاتىستى اۋقىمدى رەفورما جۇرگىزىپ جاتىر. ماقسات – قۇقىق قورعاۋ ورگاندارىنىڭ قىزمەتىن زامان تالابىنا ساي ەتۋ، سونىمەن قاتار قۇقىق قورعاۋ ورگانى وكىلدەرىنە دەگەن حالىقتىڭ سەنىمىن ارتتىرۋ. ول ءۇشىن ۇكىمەت بەكىتكەن قۇقىق قورعاۋ ورگاندارى قىزمەتىن جەتىلدىرۋدىڭ جول كارتاسى بار. وعان سايكەس ىشكى ىستەر سالاسىنىڭ جۇمىسىن جەتىلدىرە ءتۇسۋ 9 باعىت بويىنشا ءجۇرىپ جاتىر»، - دەدى الەكسەي ميليۋك.
ونىڭ ايتۋىنشا، ىشكى ىستەر ورگاندارىنىڭ جۇمىسىن وڭتايلاندىرۋ ماقساتىندا 120 ءىس-شارا وتكىزۋ قاراستىرىلعان.
«جوعارىدا ايتىلعان 9 باعىتتىڭ ءبىرى - ىشكى ىستەر ورگاندارىنداعى شتاتتىق قۇرىلىمدى قايتا قاراۋ. وسى ۋاقىتقا دەيىن 1،5 مىڭ لاۋازىمدى تۇلعا قىسقارتۋعا ۇشىرادى. جالپى، ىشكى ىستەر مينيسترلىگىندە 11 پايىزعا دەيىن قىسقارتۋ ءجۇردى. ەكىنشى باعىت - ىشكى ىستەر ورگاندارى قىزمەتكەرلەرىنىڭ الەۋمەتتىك ماربەسىن كوتەرۋ. ولاردىڭ جالاقىسى سوڭعى رەت 2019 جىلى كوتەرىلدى. بيىل قاڭتاردان كەيىن ەڭبەكاقى كولەمىن تاعى ارتتىرۋ قولعا الىنىپ جاتىر. سونداي-اق، سالا ماماندارىن تۇرعىن ۇيمەن قامتۋ ماسەلەسى دە بار. قازىرگى تاڭدا باسپاناعا مۇقتاج ىشكى ورگاندارى قىزمەتكەرلەرىنىڭ 72 پايىزىنا تۇرعىن ءۇي تولەمى بەرىلدى. ودان بولەك، بيىلدان باستاپ ورگان قىزمەتكەرلەرى جالعا، يپوتەكاعا جانە باسىندا جالعا الىپ كەيىن ساتىپ الۋ قۇقىعى بەرىلەتىن مەملەكەتتىك تۇرعىن ءۇي باعدارلامالارىنا قاتىسا الادى»، - دەيدى ول.