اقتوبەدە ىشىمدىك ءىشىپ الىپ كولىك جۇرگىزىپ، جول ەرەجەسىن بۇزعان دەپۋتاتقا قاتىستى سوت شەشىم شىعاردى، دەپ حابارلايدى almaty-akshamy.kz.
اقتوبە قالالىق ءماسليحاتىنىڭ دەپۋتاتى ءسانيا مۇراتوۆا سوتتىڭ شەشىمىمەن التى اي مەرزىمگە كولىك جۇرگىزۋ قۇقىعىنان ايىرىلدى.
اقتوبە قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتىندا وتكەن وتىرىسقا دەپۋتات بەلگىسىز سەبەپتەرمەن قاتىسقان جوق.
"بەسىنشى قىركۇيەك كۇنى ساعات تاڭعى جەتىلەر شاماسىندا ازاماتشا مۇراتوۆا ءسانيا بۇلقايىر قىزى ءا. مولداعۇلوۆا جانە ساڭكىباي باتىر داڭعىلدارىنىڭ قيىلىسىندا التى جولاقتى جول بەلگىسىنىڭ ورتاسىنان ءبولىپ تۇراتىن ەكى تاڭبالاۋ سىزىعىن كولىك قۇرالىن باسقارىپ كەلە جاتىپ ءوتىپ كەتكەن بولاتىن. اكىمشىلىك قۇقىقبۇزۋشىلىق كودەكسىنىڭ 596 بابىنىڭ 3-تارماعى بويىنشا اكىمشىلىك حاتتاما تولتىرىلدى، جول ءجۇرۋ قاعيداسى بويىنشا 9.2 تارماعىن بۇزدى"،- دەپ مالىمدەدى سوت وتىرىسىنا قاتىسقان اقتوبە قالاسى پاترۋلدىك پوليسيا ينسپەكتورى مۇسىرەپ جانبولات ۇلى
پوليسيانىڭ ايتۋىنشا، ەكيپاج مۇشەلەرى "لەكسۋس" مىنگەن دەپۋتاتتى توقتاتقان ساتتە كولىكتە جالعىز ءوزى بولعان. حاتتامامەن تولىق كەلىسەتىنىن ايتقان.
اقتوبە وبلىستىق سوتى باسپا ءسوز قىزمەتىنىڭ حابارلاۋىنشا، ازاماتشا س.مۇراتوۆاعا قاتىستى ەكى ءىس تۇسكەن. ءبىرىنشىسى جول ەرەجەسى قاعيداسىن بۇزۋ بولسا، ەكىنشىسى - كولىكتى ماس كۇيىندە جۇرگىزۋگە قاتىستى ءىس.
ەسكە سالساق، بۇعان دەيىن اقتوبە قالالىق ءماسليحاتىنىڭ دەپۋتاتى سانيا مۇراتوۆا مانداتىنان باس تارتۋ ءۇشىن سايلاۋ كوميسسياسىنا ارىز تۇسىرگەن بولاتىن. قالالىق ءماسليحات شەشىم قابىلداپ، دەپۋتاتتىڭ مانداتىن مەرزىمىنەن بۇرىن توقتاتتى. وسىلايشا، مانداتتان دا، كولىك جۇرگىزۋ كۋالىگىنەن دە ايىرىلدى.