اۋىل شارۋاشىلىعى مينيسترلىگى ءتىرى ءىرى قارا مەن ۇساق مالدى قازاقستان اۋماعىنان اكەتۋ ءۇشىن كۆوتا ەنگىزبەك. بۇل تۋرالى اشىق تالقىعا شىعارىلعان ۆەدومستۆو باسشىسىنىڭ بۇيرىعىندا جازىلعان، دەپ حابارلايدى اlmaty-akshamy.kz قازاقپارات-قا سىلتەمە جاساپ.
«قازاقستان اۋماعىنان ءۇشىنشى ەلدەر مەن ەۋرازيالىق ەكونوميكالىق وداق ەلدەرىنە 60 000 باس ءتىرى ءىرى قارا مالدى جانە 120 000 باس ءتىرى قوي مەن ەشكىنى اكەتۋگە 6 اي مەرزىمگە كۆوتا ەنگىزىلسىن»، - دەپ جازىلعان بۇيرىقتا.
بەلگىلەنگەن ساندىق شەكتەۋدەن اسىپ كەتكەن جاعدايدا، جانۋارلار كارانتينگە قويىلادى جانە قۇزىرلى ورگان ولارعا ۆەتەريناريالىق سەرتيفيكات بەرۋدى بۇعاتتايدى.
قۇجاتقا سايكەس، بۇقالاردى كارانتينگە قويۋ ءۇشىن ليميت 60 مىڭ باس. ونىڭ ىشىندە:
- بورداقىلاۋ الاڭدارى ءۇشىن – 30 000 باس؛
- تاۋار وندىرۋشىلەر ءۇشىن – 30 000 باس.
ال ەركەك توقتىلاردى كارانتينگە قويۋ ءۇشىن ليميت 120 مىڭ باس. ونىڭ ىشىندە:
- بورداقىلاۋ الاڭدارى ءۇشىن – 30 000 باس؛
- تاۋار وندىرۋشىلەر ءۇشىن – 90 000 باس.
«قازاقستان اۋماعىنان بۇقالاردى اكەتۋگە كۆوتا الۋ ءۇشىن ءبىر بورداقىلاۋ الاڭىنا ارنالعان ءليميتتىڭ جيىنتىق مولشەرى 500 باستان اسپايدى. ال تاۋار ءوندىرۋشى ءۇشىن 200 باستان كوپ بولماۋى ءتيىس. ەركەك توقتىلاردى اكەتۋگە كۆوتا الۋ ءۇشىن ءبىر بورداقىلاۋ الاڭىنا ارنالعان ءليميتتىڭ جالپى كولەمى - 1 000، ءبىر تاۋار ءوندىرۋشى ءۇشىن 500 باستان اسپاۋى قاجەت»، - دەلىنگەن قۇجاتتا.
بۇيرىق 4 ساۋىرگە دەيىن كوپشىلىك تالقىلاۋدا بولادى.