يراننىڭ ستراتەگيالىق نىساندارىندا جارىلىس بولدى

اسكەري ينفراقۇرىلىمداردا بىرنەشە قۋاتتى جارىلىس بولدى.

شىعىس ءازىربايجان پروۆينسياسىنداعى شاحيد-ساليمي قالاسىندا قوزعالتقىش مايلارىن شىعاراتىن ءىرى زاۋىت ورتەندى. ۇشقىشسىز ۇشاتىن اپپاراتتار ورتالىق پروۆينسياداعى يسفاحان قالاسىندا اسكەري قويما مەن ءوق-دارى وندىرەتىن ورتالىققا شابۋىلدادى، دەپ حابارلايدى اlmaty-akshamy.kz BBC News اگەنتتىگىنە سىلتەمە جاساپ.

يراننىڭ باتىسىنداعى ديزفۋل قالاسىندا دا اۆيابازادا جارىلىس بولىپ، ەلدىڭ باتىسىنداعى حامادان مەن سولتۇستىگىندەگى رەشت قالالارىندا ءورت بولعان.

جارىلىستىڭ داۋىسى تەگەران قالاسىنان دا ەستىلىپ جاتىر. جەرگىلىكتى تۇرعىنداردىڭ حابارلاۋىنشا، اكىمشىلىك عيماراتتارعا شابۋىل جاسالعان.

كۋاگەرلەردىڭ سوزىنشە، يراندا ۇشاقتار كوككە كوتەرىلدى. يراننىڭ قورعانىس مينيسترلىگى ءوق-دارى وندىرەتىن ورتالىقتاردىڭ بىرىنە ۇشقىشسىز ۇشاتىن اپاراتتاردىڭ شابۋىلداعانىن راستاپ وتىر.

«28 قاڭتار كۇنى ساعات 23:30-دار شاماسىندا ۇشقىشسىز ۇشاتىن اپپاراتتاردى پايدالانىپ، قورعانىس مينيسترلىگىنىڭ ورتالىقتارىنىڭ بىرىنە ءساتسىز شابۋىل جاسالدى»، - دەلىنگەن ۆەدومستۆونىڭ حابارلاماسىندا.

اپپاراتتاردىڭ ءبىرىن اۋە قورعانىس جۇيەسى اتىپ تۇسىرگەن. تاعى ەكى اپپارات «قورعانىس قاقپانىنا» ءتۇسىپ، جارىلىپ كەتتى.

قازىرگى تاڭدا مەرت بولعاندار مەن زارداپ شەككەندەر تۋرالى مالىمەت جوق.