ارينا سوبولەنكومەن باس جۇلدەنى ساراپقا سالعان ەدى.
قازاقستاننىڭ ءبىرىنشى، الەمنىڭ 25-راكەتكاسى ەلەنا رىباكينا اۋستراليا اشىق چەمپيوناتىنىڭ فينالىندا دۇنيەجۇزىلىك رەيتينگىدە 5-ورىندا تۇرعان بەلارۋس تەننيسشىسى ارينا سوبولەنكومەن باس جۇلدەنى ساراپقا سالدى، دەپ حابارلايدى Almaty-akshmy.kz Sports.kz سىلتەمە جاساپ.
بۇعان دەيىن قازاقستاندىق تەننيسشى ۋيمبلدون چەمپيونى اتانسا، قارسىلاسى «ۇلكەن دۋلىعا» ءتۋرنيرىنىڭ فينالىنا العاش رەت شىعىپ وتىر.
سپورتشىلاردىڭ ەكەۋىنىڭ دە بويلارى ۇزىن، ولار دوپ بەرگەندە، ەيستى كوپ جاسايدى ءارى سوققىلارىن قايتارۋ قيىن. العاشقى ەكى گەيمدە سولاي بولدى دا. دەگەنمەن، ەسەپ 1:1 بولعان مەزەتتە قازاقستاندىق تەننيسشى برەيكپەن العا شىقتى. بەلورۋسسيالىق سپورتشى قايىرا برەيك جاساپ، تارازى باسىن تەڭەستىردى – 4:4. بۇدان كەيىن ەلەنا رىباكينا تاعى ءبىر برەيكپەن بىرگە ءوز گەيمىن الا ءبىلدى – 6:4.
ەكىنشى پارتيادا ا. سوبولەنكو برەيكپەن العا كەتتى – 3:1. سوسىن ءوز مۇمكىندىگىن جىبەرگەن جوق – 6:3.
ءۇشىنشى، شەشۋشى سەتتە ەسەپ 3:3 بولعان مەزەتتە بەلورۋسسيالىق تەننيسشى برەيك جاساي الدى. اقىرى ماچتى جەڭىسپەن تۇيىندەدى – 6:4.
وسىلايشا، ا. سوبولەنكو العاش رەت «ۇلكەن دۋلىعا» ءتۋرنيرىنىڭ چەمپيونى اتاندى.
باس-اياعى 2 ساعات 29 مينۋتقا سوزىلعان تارتىستى باسەكە بارىسىندا ە. رىباكينا 9 برەيك جاساپ، 6 برەيك-پوينتتىڭ ەكەۋىن پايدالاندى. قارسىلاسى 17 ەيس، 3 برەيكپەن (13 برەيك-پوينت) كوزگە ءتۇستى.