يراندا حالىقتىڭ 46،8 ميلليوننان استامى كوروناۆيرۋسقا قارسى ۆاكسينانىڭ ءبىرىنشى دوزاسىن قابىلدادى
بۇل تۋرالى قازاقستاندا COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ Telegram-كانالىندا ءمالىم ەتىلدى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
يراننىڭ دەنساۋلىق ساقتاۋ مينيسترلىگىنىڭ مالىمەتىنشە، سوڭعى 24 ساعات ىشىندە COVID-12 جۇقتىرۋدىڭ 12 298 جاڭا جاعدايى انىقتالدى، 1 699 ادام اۋرۋحاناعا جاتقىزىلدى. كوروناۆيرۋس ينفەكسياسى پاندەمياسىنان قايتىس بولعاندار سانى 123 275-كە جەتتى. وتكەن تاۋلىكتە 194 ناۋقاس قايتىس بولدى.
شەنەۋنىكتەر COVID-19 جۇقتىرعان 5 026 پاسيەنت ينتەنسيۆتى تەراپيا بولىمشەلەرىندە اۋىر حالدە جاتقانىن ايتادى. قازىرگى ۋاقىتتا 46 809 100 يراندىق كوروناۆيرۋسقا قارسى ۆاكسينانىڭ ءبىرىنشى دوزاسىن العان.
اقش-تا تۇرعىنداردىڭ 77% كوروناۆيرۋسقا قارسى ۆاكسينانىڭ ءبىرىنشى كومپونەنتىن العان. كوپتەگەن كومپانيالار ۆاكسيناسيا مانداتىن قابىلداعاننان كەيىن COVID-19-عا قارسى ۆاكسيناسيا دەڭگەيى 20% استامعا ءوستى. سونىمەن بىرگە، ىندەتتى جاڭادان جۇقتىرۋ فاكتىلەرى مەن ءولىم-جىتىم ازايدى، دەپ حابارلادى ءاقۇيدىڭ پاندەمياعا قارسى ۇيلەستىرۋشىسى دجەفف زايەنس.
ەكپە مانداتتارىن جەكە كاسىپورىندار، دەنساۋلىق ساقتاۋ جۇيەلەرى، الەۋمەتتىك مەكەمەلەر، مەملەكەتتىك ورگاندار جانە جەرگىلىكتى ءوزىن-وزى باسقارۋ ورگاندارى ەنگىزدى.