يپوتەكاعا ءۇي الۋ قيىندايدى

ءتيىستى قاۋلى جوباسىن قارجىلىق رەتتەۋ جانە دامۋ اگەنتتىگى ازىرلەگەن.

قازاقستاندا نەسيە، ونىڭ ىشىندە يپوتەكالىق نەسيە بەرۋ تالاپتارى قاتاڭداتىلماق، دەپ حابارلايدى aqshamnews.kz

جاڭا ەرەجەلەرگە سايكەس، بانكتەر بەلگىلى ءبىر بەلگىلەرگە قاراي كليەنتتى جوعارى تاۋەكەلدى قارىز الۋشى رەتىندە باعالايتىن بولادى. ەگەر تومەندەگى ەكى نەمەسە ودان دا كوپ فاكتور انىقتالسا، كليەنت تاۋەكەلى جوعارى دەپ تانىلادى:

نەسيە تاريحىنىڭ مەرزىمى 3 جىلدان كەم بولسا؛

سوڭعى 1 جىل ىشىندە 30 كۇننەن اسا 3 اەك-تەن كوپ قارىزدى كەشىكتىرسە؛

3 جانە ودان دا كوپ بانك نەمەسە ميكروقارجى ۇيىمدارىندا وتەلمەگەن نەسيەلەرى بولسا؛

اي سايىنعى تابىسىنىڭ 45%-دان استامى قارىزدى تولەۋگە جۇمسالسا؛

قارىز تاريحىندا تەرىس اقپارات بولسا؛

تۇراقتى تابىس كوزى راستالماسا.

ەگەر قارىز الۋشى تاۋەكەلى جوعارى دەپ تانىلسا، بانك ونىڭ قارىزىن قايتارۋ مۇمكىندىگىن الدىن الا باعالايدى. ەگەر بۇل تاۋەكەل دەڭگەيى باستاپقىدا 5%-دان جوعارى بولىپ، كەيىن تاعى 5 پايىزدىق تارماققا وسسە، بانك قارىز الۋشىعا قاتىستى باقىلاۋ مەن مونيتورينگتى كۇشەيتەدى.

جوبا ازىرگە قوعامدىق تالقىلاۋعا ۇسىنىلعان. ەگەر ماقۇلدانسا، بۇل تالاپتار يپوتەكالىق نەسيەلەرگە دە قاتىستى قولدانىلادى.