2022 جىلعى قاڭتار-قاراشادا قازاقستاندا 288،1 مىڭ توننا يودتالعان تۇز ءوندىرىلدى.
قازاقستان يودتالعان تۇز ەكسپورتىن 81،4% ارتتىردى، دەپ حابارلايدى Almaty-akshamy.kz ۇتتىق ستاتيستيكا بيۋروسىنا سىلتەمە جاساپ.
ونداعى مالىمەتتەرگە قاراعاندا، 2022 جىلعى قاڭتار-قاراشادا قازاقستاندا 288،1 مىڭ توننا يودتالعان تۇز ءوندىرىلدى، بۇل 2021 جىلدىڭ سايكەس كەزەڭىمەن سالىستىرعاندا 55،9%-عا كوپ.
ءوندىرىستىڭ وسۋىمەن ەكسپورت كولەمى دە ءوستى. ماسەلەن، وتكەن جىلدىڭ 11 ايىندا 248 مىڭ توننا تۇز ەكسپورتتالسا، 2021 جىلى 136،7 مىڭ توننا تۇز سىرتقا شىعارىلعان.
وسىلايشا، ءوسىم 81،4%-دى قۇرادى.
بۇل رەتتە سىرتتان 28،8 مىڭ توننا تۇز يمپورتتالدى، بۇل 2021 جىلدىڭ سايكەس كەزەڭىمەن سالىستىرعاندا 0،7%-عا از. وزگە ەلدەن اكەلىنەتىن ءونىمنىڭ ۇلەس سالماعى – 9،1%.
«2022 جىلدىڭ 11 ايىنىڭ قورىتىندىسى بويىنشا ىشكى نارىقتا يودتالعان تۇزدىڭ 68،9 مىڭ تونناسى ساتىلدى»، - دەلىنگەن حابارلامادا.