ۇكىمەت ينۆاتاكسي قىزمەتىنە موبيلدىك قوسىمشا ارقىلى تاپسىرىس بەرۋدى جولعا قويماقشى.
پرەمەر-مينيستر ءاليحان سمايىلوۆ سەنات دەپۋاتاتتارىنىڭ ساۋالىنا بەرگەن جاۋابىندا وسىنداي مالىمەت ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بۇگىنگى تاڭدا مۇگەدەكتىگى بار ادامداردىڭ ۇسىنىستارىن ەسكەرە وتىرىپ، ينۆاتاكسي قىزمەتىن الەۋمەتتىك قىزمەتتەر پورتالى ارقىلى كورسەتەتىن ىلكى جوبانى ىسكە قوسۋعا باعىتتالعان جۇمىستار جۇرگىزىلىپ جاتىر. ىلكى جوبا اياسىندا ءار قىزمەت الۋشى ينۆاتاكسيگە الەۋمەتتىك قىزمەتتەر پورتالىندا تىركەلگەن جەتكىزۋشىنىڭ موبيلدىك قوسىمشاسى ارقىلى تاپسىرىس بەرە الادى»، - دەپ جازدى ۇكىمەت باسشىسى.
سونداي-اق بيىل ينۆاتاكسي قىزمەتىنە جەرگىلىكتى بيۋدجەتتەردەن 3،5 ملرد تەڭگە ءبولۋ كوزدەلىپ وتىر.