ماسكەۋدىڭ 31 جاستاعى تۇرعىنى دميتريي زايسيەۆ بۇرىنعى جۇبايى ودان كەك الۋ ماقساتىندا ينتيم فوتولارىن تاراتىپ جىبەرگەنىنمالىمدەدى. ەر ادامنىڭ ايتۋىنشا، ونىڭ جەكە سۋرەتتەرىن 200-دەن استام ادام كورگەن، دەپ حابارلايدى اqshamnews.kz ءتىلشىسى.
Baza مالىمەتىنشە، دميتريي – Redliber باسپاسىنىڭ بۇرىنعى كرەاتيۆ ديرەكتورى. ول 30 جاستاعى اۆگۋستينا گ.-مەن 2020 جىلى اجىراسىپ كەتكەن. ءبىر جىلدان كەيىن اۆگۋستينا ەر ازاماتقا حات جازىپ، قارىم-قاتىناستارىن قالپىنا كەلتىرۋدى سۇراعان، الايدا بۇل ارەكەتى ءساتسىز بولعان.
وسىدان كەيىن ول دميتريي كەلىسىم بەرمەسە، ونىڭ ينتيمدىك فوتولارىن جاريالايتىنىن ايتىپ، قورقىتا باستاعان. دميتريي بۇل سوزگە سەنبەگەنىن ايتادى. الايدا كوپ ۇزاماي، ونىڭ ايتۋىنشا، بۇرىنعى ايەلى سۋرەتتەردى تانىستارىنا، تۋىستارىنا جانە ارىپتەستەرىنە جىبەرگەن.
ەر ادامنىڭ سوزىنشە، اۆگۋستينا مۇنىمەن توقتاماعان. ول ءدميترييدىڭ دوستارىنا، پوليسياعا شاعىم جازىپ، ونىڭ وتباسىنا ءقاۋىپ توندىرگەن، الەۋمەتتىك جەلىدە سوڭىنا ءتۇسىپ، قورلايتىن ۆيدەولار جاريالاعان. وسىدان كەيىن دميتريي بۇرىنعى جۇبايىنا ار-نامىسىن قورعاۋ تۋرالى 10 ملن رۋبل كولەمىندە تالاپ جىبەرگەن. الايدا پوليسيا قىلمىس قۇرامىن تاپپاعاندىقتان، ءىستى قوزعاۋدان باس تارتقان.
اۆگۋستينا «بازا» باسىلىمىنا بەرگەن تۇسىنىكتەمەسىندە ءدميترييدىڭ نەكەدە ءوزىن بىرنەشە رەت ۇرعانىن ايتتى. ونىڭ سوزىنشە، ول بۇل جايلى تەك اجىراسقاننان كەيىن اشىق ايتۋعا شەشىم قابىلداعان. ال ينتيمدىك فوتولاردىڭ تارالۋى مەن قورقىتۋ ارەكەتتەرىنە قاتىستى تۇسىنىك بەرمەدى.