ايەلگە كامەلەتكە تولماعانداردى ساۋدالاپ، جالعان قۇجات جاساعانى ءۇشىن ىزدەۋ جاريالانعان
ق ر ىشكى ىستەر مينيسترلىگى ينتەرپولدىڭ ۇلتتىق ورتالىق بيۋروسى 39 جاستاعى شىمكەنت قالاسىنىڭ تۇرعىنىن ەلگە قايتاردى، دەپ حابارلايدى Almaty-akshamy.kz.
اتالعان شارا وڭتۇستىك كورەيالىق ارىپتەستەرمەن بىرلەسە وتىرىپ، جۇزەگە اسىرىلعان.
ايەلگە كامەلەتكە تولماعانداردى ساۋدالاپ، جالعان قۇجات جاساعانى ءۇشىن ىزدەۋ جاريالانعان.
«بۇعان دەيىن ايەل قىز تۋىپ، ونىڭ قۇجاتتارىن قولدان جاساپ، بيولوگيالىق بالاسىن ءۇشىنشى تۇلعاعا بەرۋ ءۇشىن زاڭسىز وتا جاساتقان. وسىعان بايلانىستى فيگۋرانتقا حالىقارالىق ىزدەۋ جاريالاندى»، - دەلىنگەن حابارلامادا.
وڭتۇستىك كورەيادان دەپورتاسيالانىپ، قازاقستانعا كەلگەننەن كەيىن ونى الماتى اۋەجايىنىڭ جەلىلىك پوليسيا ءبولىمىنىڭ قىزمەتكەرلەرى ۇستاپ، ۋاقىتشا ۇستاۋ يزولياتورىنا قامادى.