ينتەرنەت-ساۋدا الاڭدارى دەكلاراسيا تاپسىرادى

مۇنى 1 شىلدەدەن باستاۋ جوسپارلانۋدا.

ينتەرنەت-ساۋدا الاڭدارى تۋرالى دەرەكتەر مەملەكەتتىك كىرىستەر كوميتەتىنە جولدانادى، دەپ حابارلايدى Almaty-akshamy.kz

بۇل تۋرالى ق ر قم مەملەكەتتىك كىرىستەر كوميتەتىنىڭ ءتوراعاسى دانيار ءجانالىنوۆ ەلوردادا وتكەن باسپا ءسوز كونفەرەنسياسى بارىسىندا ايتتى.

"پيلوتتىق جوبا شەڭبەرىندە ساۋدا-ينتەرنەت الاڭدارى ساتۋ تۋرالى دەرەكتەردى مەملەكەتتىك كىرىستەر كوميتەتىنە، ال كوميتەت ءوز كەزەگىندە بارلىق ينتەرنەت الاڭداردان دەرەكتەردى جيناپ، دەرەكتەردى كاسىپكەرلەرگە قىزمەت كورسەتەتىن ارىپتەس-بانكتەرگە بەرەدى. الىنعان دەرەكتەر نەگىزىندە بانك اي سايىن سالىق سوماسىن ەسەپتەيدى جانە كليەنتكە تولەۋ ءۇشىن پۋش-حابارلاما جىبەرەدى. ال سالىق كەزەڭىنىڭ قورىتىندىسى بويىنشا سالىق دەكلاراسياسىن تولتىرادى"، – دەدى سپيكەر.

بۇل، بىرىنشىدەن، كەزەڭ ىشىندە سالىق سوماسىن ءبولىپ تولەۋگە مۇمكىندىك بەرەدى، ەكىنشىدەن، سالىق ەسەپتىلىگىن تاپسىرۋدى جەڭىلدەتەدى.

بۇگىنگى تاڭدا 80 مىڭنان استام كاسىپكەر تاۋارلاردى ينتەرنەت-الاڭدار ارقىلى ساتادى. سپيكەر پيلوتتىق جوبالارعا قاتىسۋ تەك ەرىكتى بولىپ تابىلاتىنىن ەرەكشە اتاپ ءوتتى.