ينتەرنەت وشىرىلمەيدى: ق ر ءىىم جەلىدە تاراعان حابارلاماعا قاتىستى تۇسىنىكتەمە بەردى، دەپ حابارلايدى Almaty-akshamy.kz
قازاقستاندىقتار الەۋمەتتىك جەلىدە ەلىمىزدىڭ ءىرى قالالارىندا 25 قازاندا ينتەرنەتتىڭ وشەتىندىگى تۋرالى اقپارات تاراتۋدا. ق ر ءىىم بۇل اقپاراتتىق حابارلامانى فەيك دەپ اتادى، دەپ حابارلايدى Zakon.kz.
ىشكى ىستەر مينيسترلىگىندە 25 قازاندا قازاقستاندا ينتەرنەتپەن ءۇزىلىس بولادى دەپ مالىمدەيتىن تاراتۋ اۆتورىن ىزدەۋدە.
"اقپارات شىندىققا جاناسپايدى. ىشكى ىستەر ورگاندارى جالعان حابارلاما تاراتۋشىنى ىزدەستىرۋ بويىنشا شارالار قابىلداپ جاتىر. ق ر ءىىم ازاماتتاردى ارانداتۋشىلىققا بەرىلمەۋگ شاقىرادى جانە قىلمىستىق كودەكستىڭ 274-بابىنا سايكەس كورىنەۋ جالعان اقپارات تاراتقانى ءۇشىن قىلمىستىق جاۋاپكەرشىلىك قاراستىرىلاتىنىن ەسكەرتەدى"، - دەپ حابارلادى ۆەدومستۆودان.
2023 جىلى 17 قازاندا الەۋمەتتىك جەلىدە پوليسيا كولىكتەرىنىڭ كولونناسى تۇسىرىلگەن ۆيدەو تارادى: روليك اۆتورلارى "قازاقستاننىڭ قۇقىق قورعاۋ ورگاندارى 25 قازانداعى ميتينگىگە دايىندالىپ جاتقانىن ايتادى. بۇل قاۋەسەتتەرگە ق ر ىشكى ىستەر ءمينيسترىنىڭ ورىنباسارى يگور لەپەحا تۇسىنىكتەمە بەردى. ول ەل اۋماعىندا قىزمەتى زاڭسىز "قازاقستاننىڭ دەموكراتيالىق تاڭداۋى" ەكسترەميستىك ۇيىمىنىڭ مۇشەلەرى كوپتى ميتينگىگە شىعۋعا شاقىراتىنىن اتاپ ءوتتى. ونىڭ ايتۋىنشا، ءىىم قدت مۇشەلەرىنە ەلىمىزدە ميتينگى وتكىزۋىنە رۇقسات بەرمەيدى.