ق ر تۋريزم جانە سپورت مينيسترلىگى ويىن بيزنەسىن جانە لوتەرەيانى رەتتەۋ كوميتەتى ليسەنزياسى جوق ينتەرنەت-رەسۋرستار ءتىزىمىن جاڭارتتى، دەپ حابارلايدى aqshamnews.kz.
تىزىمگە ق ر زاڭىنىڭ 6-بابىنىڭ 2-تارماعىندا تىيىم سالىنعان ينتەرنەت-كازينو بەلگىلەرى بار 1820 بىرەگەي جەلىلىك مەكەنجاي ەندى. بۇل ءتىزىم كوميتەتتىڭ جۇيەلى اقپارات جيناپ، ينتەرنەت-كازينو مەن زاڭسىز بۋكمەكەرلىك قىزمەتتەردىڭ جۇمىسىن انىقتاعانى ناتيجەسىندە جاسالدى.
سونىمەن قاتار ءتىزىم Telegram جانە WhatsApp مەسسەندجەرلەرىنەن تولىقتىرىلىپ وتىرادى. زاڭسىز ويىن بيزنەسىنىڭ تارالۋىنا بەي-جاي قارامايتىن ازاماتتار كۇدىكتى سايتتار مەن الەۋمەتتىك جەلىلەردەگى پاراقشالاردىڭ سىلتەمەلەرىن جىبەرەدى.
تىزىمگە Vavada، Sultan Games، Pin Up، Play Fortuna، Riobet، Casino-X سەكىلدى تانىمال پلاتفورمالار دا ەنگىزىلگەن.
انىقتالعان اقپارات «كيبەرنادزور» اقپاراتتىق جۇيەسىنە ەنگىزىلىپ، قازاقستان رەسپۋبليكاسىنىڭ اۋماعىندا ولاردىڭ قىزمەتىن شەكتەۋ ءۇشىن زاڭ تۇرعىسىنان باعالاۋ جۇرگىزىلەدى.
ەستەرىڭىزگە سالا كەتەيىك، مۇنداي رەسۋرستاردى انىقتاۋمەن ق ر ۇكىمەتىنىڭ قاۋلىسىنا سايكەس 2024 جىلعى 4 قىركۇيەكتە قۇرىلعان ق ر تۋريزم جانە سپورت مينيسترلىگى ويىن بيزنەسىن جانە لوتەرەيانى رەتتەۋ كوميتەتى اينالىسادى.