ينتەرنەت-الاياقتاردان قالاي ساقتانۋعا بولادى؟

1414-تەن كەلگەن كودتاردى باسقا ادامدارعا بەرمەۋ كەرەك.

كۇماندى سىلتەمەلەردى اشۋعا بولمايدى، دەپ حابارلايدى aqshamnews.kz

سيفرلىق دامۋ مينيسترلىگى قازاقستاندىقتارعا ينتەرنەت-الاياقتاردان قورعانۋ ءۇشىن «ستوپ-كرەديت» (بانك نەسيەسى، ميكروكرەديتتى الۋدان ەرىكتى باس تارتۋ) قىزمەتىن ىسكە قوسىلعانىن ەسكە سالدى.

ەندى قىزمەت eGov mobile قوسىمشاسىندا جانە «ەلەكتروندى ۇكىمەت» ۆەب-پورتالىنىڭ باستى بەتىندە قولجەتىمدى. قىزمەتتى ەسق ارقىلى نەمەسە لوگين مەن ءپارولدى قولدانۋ ارقىلى قوسىلۋعا بولادى.

ول ءۇشىن سايتتىڭ باستى بەتىندە «سەرۆيستەر» بولىمىنە ءوتىپ، «بانكتىك نەسيەلەردى، ميكروكرەديتتەردى الۋدان ەرىكتى باس تارتۋ» وپسياسىن تاڭداۋ كەرەك، - دەپ جازىلعان حابارلامالا.

قىزمەت شەكسىز ىسكە قوسىلادى جانە ازاماتتىڭ ءوتىنىشى بويىنشا وشىرىلەدى.

مينيسترلىك تومەندەگى ۇسىنىستاردى ورىنداۋعا شاقىرادى:

ءار ءتۇرلى اككاۋنتتار ءۇشىن كۇردەلى جانە بىرەگەي ءپارولدى پايدالانۋ؛ 

قۇرىلعىلارداعى باعدارلامالاردى ۇنەمى جاڭارتىپ وتىرۋ؛

كۇماندى سىلتەمەلەر مەن حابارلامالاردى اشپاۋ؛

انتيۆيرۋس باعدارلاماسىن پايدالانۋ؛

جەكە اقپاراتتى بوگدە سايتتارعا جانە قوسىمشالارعا ەنگىزبەۋ؛

اككاۋنتتار ءۇشىن ەكى فاكتورلى اۋتەنتيفيكاسيانى پايدالانۋ؛ 

الەۋمەتتىك جەلىلەردەگى قۇپيالىلىق پارامەترىن تەكسەرۋ؛ 

1414-تەن كەلگەن كودتاردى باسقا ادامدارعا بەرمەۋ؛ 

بانك رەكۆيزيتىن باسقا ادامدارعا ايتپاۋ.