ق ر ءىىم كريمينالدىق پوليسيا دەپارتامەنتى باستىعىنىڭ ورىنباسارى قانات نۇرماعامبەتوۆ ينتەرنەت-الاياقتاردان قورعانۋ جولدارىن ايتتى، دەپ حابارلايدى almaty-akshamy.kz قازاقپاراتقا سىلتەمە جاساپ.
«ينتەرنەت-الاياقتىقتان قورعانۋدىڭ قاراپايىم ءىس-شارالارىنا توقتالىپ، ءبىرقاتار ۇسىنىس ايتا كەتەيىن. ءوزىڭىزدىڭ جەكە مالىمەتتەرىڭىزدى، پلاستيك كارتاڭىزدىڭ رەكۆيزيتتەرىن ەشكىمگە ايتپاڭىز. اۋدارىمدار تۋرالى تۇبىرتەكتى، كودىڭىز بەن قۇپيا ءسوزىڭىزدى ءتىپتى بانك قىزمەتكەرىنە دە، پوليسياعا دا بەرمەڭىز. بەلگىسىز جانە تەكسەرىلمەگەن سايتتارعا جەكە مالىمەتتەرىڭىزدى سەنىپ ەنگىزبەڭىز. تەكسەرىپ الماي، تولەم جاساماڭىز. تولەمدى تاۋار العاننان كەيىن اۋدارۋعا كەلىسۋگە تىرىسىڭىز»، - دەدى ول ءىىم باسپا ءسوز الاڭىندا وتكەن بريفينگىدە.
ونىڭ اتاپ وتۋىنشە، كۇدىك تۋدىراتىن مامىلەلەرگە اقشا اۋدارماۋ، تابىس كوزى بەلگىسىز قارجىلىق سىزبالاردان ساق بولۋ كەرەك. قوسىمشالاردى ورناتۋ بارىسىندا App store مەن Play مarketء-تىڭ رەسمي دەرەككوزدەرىن قولدانعان ءجون.
«بانكينگ قىزمەتتەرىنە كىرۋگە ارنالعان قۇپيا ءسوزدى ۇنەمى اۋىستىرىپ تۇرۋ، 3D-قورعانىستى جانە بانكتەر ۇسىناتىن وزگە دە قاۋىپسىزدىك ءىس-شارالارىن قولدانىڭىزدار. ءوز ەسەپشوتتارىڭىزدى، اقشا قوزعالىسىن ۇنەمى تەكسەرىپ وتىرىڭىز. مۇنداي ءىس-شارالار الاياقتاردان جالتارۋعا جانە اقشاڭىزدى ساقتاۋعا مۇمكىندىك بەرەدى»، - دەدى قانات نۇرماعامبەتوۆ.