الماتى وبلىسىندا پوليسەيلەرى شامامەن 250 ملن تەڭگە كولەمىندە زالال كەلتىرگەن اۋقىمدى ينتەرنەت-الاياقتىق سحەماسىن اشكەرەلەدى.
جەدەل-ىزدەستىرۋ ءىس-شارالارىنىڭ ناتيجەسىندە وبلىستىق كيبەرقىلمىسقا قارسى كۇرەس باسقارماسىنىڭ قىزمەتكەرلەرى الماتى قالاسى مەن الماتى وبلىسى اۋماعىندا ارەكەت ەتكەن قىلمىستىق توپتىڭ كۇدىكتى ۇيىمداستىرۋشىسى مەن ءۇش سىبايلاس دروپپەردى ۇستادى، دەپ حابارلايدى aqshamnews.kz Polisia.kz-كە سىلتەمە جاساپ.
– ۇيىمداستىرۋشى نەبارى 19 جاستا، الماتى وبلىسىنىڭ تۇرعىنى. تەرگەۋ مالىمەتىنشە، ول قىلمىستىق سحەماعا 2023 جىلدىڭ قازان ايىنان بەرى قاتىسقان. الدىمەن قاراپايىم دروپ رەتىندە باستاسا، 2024 جىلدىڭ ماۋسىمىنان باستاپ دروپپەرلەردى باسقارۋعا كوشكەن. 2025 جىلدىڭ قاڭتارىنان باستاپ كۋراتور رەتىندە ارەكەت ەتىپ، ءۇش دروپپەردى باسقارىپ كەلگەن، – دەپ حابارلادى پوليسيادا.
ۇرلانعان قاراجاتتى قولما-قول اقشاعا اينالدىرۋ ءۇشىن قاسكويلەر 50-دەن استام جالعان تۇلعاعا راسىمدەلگەن بانكتىك قوسىمشالارى بار 30-دان استام ءموبيلدى قۇرىلعىنى پايدالانعان. سونداي-اق نوۋتبۋك، رەسەي بايلانىس وپەراتورلارىنا تيەسىلى 11 SIM-كارتا جانە شەتەلدىك قارجى ۇيىمدارىنىڭ بانكتىك كارتالارى تاركىلەندى. الدىن الا ەسەپتەۋلەر بويىنشا، كۋراتور قىلمىستىق ارەكەت بارىسىندا شامامەن 10 ميلليون تەڭگە تابىس تاپقان، ال ونىڭ سىبايلاستارىنىڭ ءارقايسىسى – 3 ميلليون تەڭگەدەن. 2025 جىلدىڭ قاڭتارىندا قاراپايىم دروپ رەتىندە جۇمىسىن باستاعان دروپپەرلەردىڭ ءبىرى كەيىن كۋراتوردىڭ سەنىمدى كومەكشىسىنە اينالعان. ول تەك اقشانى شەشىپ قانا قويماي، بانك ەسەپشوتتارى بۇعاتتالعان جاعدايدا باسقا دروپتاردى بانكتەرگە ەرتىپ بارعان. قىلمىستىق سحەماعا قاتىسى بار بارلىق تۇلعا ۇستالىپ، الماتى وبلىستىق پوليسيا دەپارتامەنتىنە جەتكىزىلدى. قازىرگى ۋاقىتتا قاجەتتى تەرگەۋ امالدارى جۇرگىزىلۋدە.
– بارلىق قاتىسۋشى مەن ولاردىڭ ارەكەتتەرى ناقتى انىقتالعاننان كەيىن بانكتەرگە الاياقتىق ەپيزودتارىن تىركەۋ جانە كەلتىرىلگەن زالال سوماسىن ءدال انىقتاۋ ءۇشىن سانكسيالانعان سۇراۋلار جولداناتىن بولادى، – دەپ قورىتىندىلادى ءتارتىپ ساقشىلارى.