ق ر ۇلتتىق ەكونوميكا مينيسترلىگىنە قاراستى «ەكونوميكالىق زەرتتەۋلەر ينستيتۋتى» اق بەدەلدى حالىقارالىق FocusEconomics Analyst Forecast Awards 2024 پرەمياسىنىڭ جەڭىمپازى اتانىپ، Kazakhstan Current Account نوميناسياسى بويىنشا 1-ورىنعا يە بولدى.
اتالعان پرەميا جىل سايىن الەمنىڭ 130-دان استام ەلىنەن قاتىساتىن ماكروەكونوميكالىق بولجام جاسايتىن ۇيىمدار اراسىندا ناقتى بولجام ءۇشىن بەرىلەدى، دەپ حابارلايدى aqshamnews.kz.
ۇلتتىق ەكونوميكا مينيسترلىگىنىڭ مالىمەتىنشە، 2024 جىلدىڭ قورىتىندىسى بويىنشا ينستيتۋت ونداعان حالىقارالىق ساراپتامالىق ورتالىق، ينۆەستيسيالىق بانكتەر مەن زەرتتەۋ اگەنتتىكتەرى اراسىندا ۇزدىك ناتيجە كورسەتىپ، كوش باستادى. سونداي-اق، ينستيتۋت Real and External Sector جانە Overall Categories سەكىلدى جيىنتىق ساناتتاردا دا ۇزدىكتەر قاتارىنان كورىنىپ، بولجامدارىنىڭ كەڭ اۋقىمدىلىعى مەن دالدىگىن تاعى ءبىر مارتە دالەلدەدى.
ينستيتۋت 2023 جىلى دا Exchange Rate ساناتىندا 2-ورىن العانىن ايتا كەتكەن ءجون. بۇل ونىڭ ماكروەكونوميكالىق تالداۋ سالاسىنداعى تۇراقتى كاسىبيلىگى مەن جۇيەلىلىگىن كورسەتەدى.
FocusEconomics – كونسەنسۋس-بولجامدار مەن تالداۋلاردىڭ جەتەكشى جاھاندىق پروۆايدەرى رەتىندە – قازاقستاندىق ينستيتۋتتىڭ حالىقارالىق زەرتتەۋلەرگە بەلسەندى قاتىساتىنىن، اناليتيكانىڭ تەرەڭدىگىن جانە عىلىمي نەگىزدىلىگىن جوعارى باعالادى.