Instagram جاستار ءۇشىن ءقاۋىپسىز بولۋى ءتيىس
Instagram الەۋمەتتىك جەلىسىنىڭ باسشىسى ادام موسسەري ينتەرنەت كەڭىستىگىندە جاسوسپىرىمدەردىڭ قاۋىپسىزدىگىن ارتتىرۋعا باعىتتالعان ءبىرقاتار فۋنكسيالار ىسكە قوسىلاتىنىن مالىمدەدى، دەپ حابارلايدى Almaty-akshamy.kz
«Instagram جاستار ءۇشىن ءقاۋىپسىز بولۋى شارت. ءبىز وسى باعىتتا ۇزاق ۋاقىت بويى جۇمىس ىستەپ كەلەمىز. وسى جۇمىس اياسىندا Instagram-دا جاستاردىڭ قاۋىپسىزدىگىن ارتتىرۋعا كومەكتەسەتىن جاڭا قۇرالدار مەن مۇمكىندىكتەردى جاريالايمىز»، دەلىنگەن ادام موسسەريدىڭ حابارلاماسىندا.
ولاردىڭ كەيبىرەۋلەرىن كەلەسى جىلى ىسكە قوسۋ جوسپارلانۋدا.
وسىلايشا، اتا-انالار مەن قامقورشىلار جاسوسپىرىمدەردىڭ قوسىمشادا قانشا ۋاقىت وتكىزەتىنىن كورىپ، بالالارى ءۇشىن ۋاقىت شەكتەۋلەرىن بەلگىلەي الادى. سونىمەن قاتار، كومپانيا اقش، ۇلىبريتانيا، يرلانديا، كانادا، جاڭا زەلانديا جانە اۆستراليادا ءۇزىلىس جاساۋ فۋنكسياسىن ىسكە قوسادى. بۇل مۇمكىندىكتى تەستىلەۋ تۋرالى Instagram قاراشا ايىندا حابارلادى.
سونداي-اق، جاسوسپىرىمدەر بىرەۋگە شاعىمدانىپ جاتسا، بالالاردىڭ اتا-انالارى سول پايدالانۋشىلارمەن بايلانىس ورناتا الادى.