پاۆلودار وبلىسىندا وتكەن كەزدەسۋدە اەس سالۋدى قولداۋ جونىندەگى حالىقتىق شتاب مۇشەلەرى جاستارمەن جانە ساراپشىلار قاۋىمداستىعىمەن كەزدەستى، دەپ حابارلايدى aqshamnews.kz
سەنات ءتوراعاسى ماۋلەن اشىمبايەۆ جاستاردى قولداۋ مەملەكەتتىك ساياساتتىڭ باسىم باعىتتارىنىڭ ءبىرى ەكەنىن اتاپ ءوتتى. ول ەل بولاشاعىنا اسەر ەتەتىن ماڭىزدى ماسەلەلەردى قامتيتىن الداعى رەفەرەندۋمعا جاستاردىڭ بەلسەندى قاتىسۋى ەرەكشە ءرول اتقاراتىنىن ايتتى.
ساراپشىلار قاۋىمداستىعىمەن كەزدەسۋ بارىسىندا اەس سالۋ جوباسىنىڭ ەل دامۋى ءۇشىن شەشۋشى مانگە يە ەكەنى تالقىلاندى. ماۋلەن اشىمبايەۆ قازاقستاننىڭ ەنەرگەتيكالىق قاۋىپسىزدىگىن نىعايتۋ جانە يمپورتتىق ەلەكتر ەنەرگياسىنا تاۋەلدىلىكتى ازايتۋ ءۇشىن اتوم ەلەكتر ستانساسىنىڭ ماڭىزدىلىعىنا توقتالىپ، بۇل جوبا مىڭداعان جاڭا جۇمىس ورىندارىن اشىپ، يننوۆاسيا مەن عىلىمعا نەگىزدەلگەن ەكونوميكانى دامىتۋعا سەرپىن بەرەتىنىن اتاپ ءوتتى.