قازاقستاننىڭ دامۋ بولجامى جاريالاندى.
بولجام بويىنشا 5 جىل ىشىندە ءجىو-نىڭ ورتاشا جىلدىق ءوسۋى 5،8%ء-تى قۇرايدى، دەپ حابارلايدى Almaty-akshamy.kz
ۇلتتىق ەكونوميكا ءمينيسترى الىبەك قۋانتىروۆ ەلدىڭ 2024–2028 جىلدارعا ارنالعان الەۋمەتتىك-ەكونوميكالىق دامۋ بولجامىنىڭ جوباسىن ۇسىندى.
ونىڭ ايتۋىنشا، سىرتقى پارامەترلەردىڭ وزگەرۋىنە بايلانىستى دامۋدىڭ ءۇش سەنارييى قارالدى.
"بازالىق سەناريي كەزىندە مۇنايدىڭ ورتاشا باعاسىن باررەلىنە 80 دوللار دەڭگەيىندە الۋ ۇسىنىلادى. بولجام بويىنشا 5 جىل ىشىندە ءجىو-نىڭ ورتاشا جىلدىق ءوسۋى 5،8%ء-تى قۇرايدى. ينفلياسيا 2024 جىلى 6-8%، 2025 جىلى 5،5-7،5% دەڭگەيىندە ايقىندالدى، كەيىننەن 2026–2028 جىلدارى 5%-كە دەيىن تومەندەيدى"، - دەيدى قۋانتىروۆ ۇكىمەت وتىرىسىندا.
2024 جىلى ءجىو-نىڭ ناقتى ءوسىمى 5،3%ء-تى قۇرايدى، كەيىن 2028 جىلى 6%-كە دەيىن وسەدى. نومينالدى ءجىو 2024 جىلعى 135 ترلن تەڭگەدەن 2028 جىلى 218،5 ترلن تەڭگەگە دەيىن ۇلعايادى.
ەكونوميكانىڭ بارلىق بازالىق سالاسىندا ءوسىم بولجانىپ وتىر. ماسەلەن، ونەركاسىپتە ورتاشا جىلدىق ءوسۋ قارقىنى 4%ء-تى، ونىڭ ىشىندە وڭدەۋ ونەركاسىبىندە – 4،9%ء-تى، تاۋ-كەن ءوندىرۋ ونەركاسىبىندە – 3،1%ء-تى قۇرايدى.
اۋىل شارۋاشىلىعىنىڭ جالپى ءونىم كولەمىنىڭ ورتاشا جىلدىق ءوسىمى 4،5%ء-تى قۇرايدى. قۇرىلىس سالاسىنداعى بولجامدى ءوسىم ورتا ەسەپپەن 8،8%، ساۋدادا – 7،4%.
ەكسپورت كولەمى 2024 جىلى 83،1 ملرد دوللاردان 2028 جىلى 94،8 ملرد دوللارعا دەيىن ۇلعايادى، يمپورت 60،7-دەن 65،6 ملرد دوللارعا دەيىن وسەدى.