الماتى اكىمى ەربولات دوسايەۆ المالى اۋدانى تۇرعىندارىمەن كەزدەستى.
حالىقپەن وتكەن جيىندا تۇرعىندار قالا باسشىسىنا وزدەرىن تلعاندىرعان ساۋالدارىن قويدى، دەپ حابارلايدى Almaty-akshamy.kz
المالى اۋدانى تۇرعىنىنىڭ سۇراعى: قالامىزدىڭ ساياباقتارىندا پوليسيا بۋدكاسى بار، ءبىراق پوليسەيلەر نەگە سول جەردەن شىقپايدى، ساياباقتاردى تەكسەرمەيدى؟ مىسالى، گاندي اتىنداعى ساياباقتا شاشىلعان شپريستەر وتە كوپ. ءارى ول جەردە ەسىرتكى تاراتۋشىلار جۇرەدى. پوليسەيلەردىڭ مىندەتى نە، نەگە ولار بۋدكاسىنان شىقپايدى؟
الماتى پوليسيا دەپارتامەنتىنىڭ باستىعى ارىستانعاني زاپپاروۆتىڭ جاۋابى: جوق، بۇل ولاي ەمەس. مودۋلدىك پوستتاعى ءاربىر ينسپەكتوردىڭ اۋماقتى ارالايتىن بەلگىلى ءبىر ۋاقىتى بار. ەگەر شاشىلعان شپريستەردى كورسەڭىز نەمەسە ەسىرتكى جاسىرىلعان جەرلەردى بىلسەڭىز، پوليسياعا حابارلاسىڭىز. ءبىز شارا قولدانامىز. سونىمەن قاتار، بىزدە سەنىم تەلەفونى بار، پوليسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسى بار. ايتا كەتەرلىگى، الماتى رەسپۋبليكا بويىنشا سينتەتيكالىق جانە باسقا دا ەسىرتكىلەردى تاركىلەۋ بويىنشا ءبىرىنشى ورىندا تۇر. بۇل ىندەتپەن كۇرەستە ءبىر عانا ءتارتىپ ساقشىلارىنىڭ كۇشى جەتپەيدى، سوندىقتان پوليسياعا حابارلاسىڭىزدار.
الماتى اكىمى ەربولات دوسايەۆتىڭ جاۋابى: تۇرعىنداردىڭ قاۋىپسىزدىگى ءۇشىن پوليسيا باسقارماسى اۋدان اكىمىمەن بىرلەسىپ ساياباقتاردا تەكسەرىس جۇرگىزۋى كەرەك. ەڭ كوپ ساياباق المالى اۋدانىندا ورنالاسقان.
جۇما كۇنى ءبىز پوليسيانىڭ سەرۆيستىك ورتالىقتارىن قۇرۋ جونىندە ىشكى ىستەر مينيسترىمەن كەزدەستىك. ءقازىردىڭ وزىندە بۇل جوبانى ىسكە اسىرىپ جاتىرمىز. ءبىز ءۇشىن ەڭ باستىسى، پوليسيانىڭ سىرتقى كەلبەتى ەمەس، كىمنىڭ، قالاي جۇمىس ىستەيتىنى ماڭىزدى. تەكسەرىس جۇرگىزەمىز بە، الدە باسقا جولى بار ما، قوعامدى نە ىستەۋ كەرەكتىگىن بىرلەسىپ شەشۋگە شاقىرامىن. ساقشىلار بۋدكادا وتىرا بەرمەي، سىرتقا شىعىپ توڭىرەكتى باقىلاۋى كەرەك. المالى اۋدانى پوليسيا باسقارماسىنىڭ باستىعىنا جوسپار جاساۋدى تاپسىرامىن، ءبىر ايدان كەيىن نەنىڭ قالاي وزگەرەتىنىن كورەمىز.