الەمدەگى ءىرى ينۆەستورلاردىڭ ءبىرى ءارى تاسىمال سالاسىنداعى تانىمال قوسىمشا inDriver كومپانياسىنىڭ يەسى، ياكۋتيالىق كاسىپكەر ارسەن تومسكيي قازاقستان ازاماتتىعىن الدى.
بۇل تۋرالى سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين الەۋمەتتىك جەلىدەگى پاراقشاسىندا جازعان، دەپ حابارلايدى Almaty-akshamy.kz
مينيستر ارسەن تومسكييدىڭ ەلىمىزگە ءوزى عانا كەلىپ قويماي، تالانتتى ماماندارىن تارتىپ، جاڭا تەحنولوگيالار مەن يدەيالار الىپ كەلگەنىن جەتكىزدى.
باعدات مۋسين زاماناۋي، جەتىستىككە جەتكەن كومپانيالاردىڭ قازاقستاندى تاڭداۋى ءىت - بيزنەس جاساۋعا ەركىن مۇمكىندىك بەرەتىن Astana Hub حالىقارالىق تەحنوپاركىنىڭ جوعارى دەڭگەيدە جۇمىس ىستەپ تۇرۋى دەپ ءتۇسىندىردى.
«سوڭعى جىلدارى قازاقستان الەمنىڭ تۇكپىر-تۇكپىرىنەن دارىندى كاسىپكەرلەر شوعىرلانعان ورتاعا اينالىپ كەلەدى. ولار قازاقستانعا قونىس اۋدارىپ قانا قويماي، ءبىزدىڭ ەلگە ءوز يدەيالارى مەن تەحنولوگيالارىن بەلسەندى تۇردە ەنگىزىپ جاتىر. سونداي-اق ءىرى كاسىپ يەلەرى ەلىمىزگە جوعارى بىلىكتى ماماندار، ساراپشىلار مەن كاسىپكەرلەردى تارتادى. ءسوزىمنىڭ جارقىن مىسالى، 2 جەلتوقسان كۇنى inDriver كومپانياسىنىڭ نەگىزىن قالاۋشى جانە باس ديرەكتورى ارسەن تومسكيي قازاقستان ازاماتتىعىن العانىن رەسمي تۇردە جاريالادى»، دەپ جازدى باعدات مۋسين.