يندونەزيادا جويقىن جەر سىلكىنىستەرى - ءجيى قۇبىلىس.
يندونەزيانىڭ ياۆا ارالىنداعى قاتتى جەر سىلكىنىسىنەن زارداپ شەككەندەردىڭ سانى 162-گە جەتتى، دەپ حابارلايدى Almaty-akshamy.kz Inbusiness.kz سىلتەمە جاساپ.
باتىس ياۆا گۋبەرناتورى ريدۆان كاميلدىڭ ايتۋىنشا، قازا تاپقانداردىڭ كوپشىلىگى - مەكتەپ وقۋشىلارى. ال، ۇيلەرى جەر سىلكىنىسىنەن قاتتى زاقىمدانعان 13 مىڭنان استام تۇرعىن ەۆاكۋاسيالىق ورتالىقتارعا جەتكىزىلگەن.
5،6 باللدىق جەر سىلكىنىسى دۇيسەنبى كۇنى تۇستەن كەيىن يندونەزيانىڭ ياۆا ارالىندا بولدى. يندونەزيانىڭ مەتەورولوگيا، كليماتولوگيا جانە گەوفيزيكا اگەنتتىگى كەم دەگەندە 25 ءدۇمپۋ تىركەدى. تابيعي اپاتتىڭ وشاعى شامامەن 175 مىڭ حالقى بار چياندجۋر قالاسىنىڭ ماڭىندا بولدى.
يندونەزيادا جويقىن جەر سىلكىنىستەرى - ءجيى قۇبىلىس. مىسالى، اقپان ايىندا باتىس سۋماترا پروۆينسياسىنداعى 6،2 باللدىق جەر سىلكىنىسى سالدارىنان كەم دەگەندە 25 ادام قازا تاۋىپ، 460-تان استامى جاراقات الدى. 2021 جىلدىڭ قاڭتارىندا باتىس سۋلاۆەسي پروۆينسياسىندا 6،2 باللدىق جەر سىلكىنىسى 100-دەن استام ادامنىڭ ءومىرىن قيدى جانە 6،5 مىڭعا جۋىق ادام جاراقات الدى.
2004 جىلى ءۇندى مۇحيتىنداعى قاتتى جەر سىلكىنىسى مەن سۋنامي ءبىرقاتار ەلدەردە 230 مىڭعا جۋىق ادامنىڭ ولىمىنە اكەلدى، ولاردىڭ كوپشىلىگى - يندونەزيا تۇرعىندارى.