يندونەزيانىڭ شىعىسىنداعى پاپۋا پروۆينسياسىندا بەيسەنبى كۇنى بولعان 5،4 بالدىق جەر سىلكىنىسىنەن ءتورت ادام قازا تاۋىپ، بىرنەشە ءۇي مەن عيمارات قيرادى
بۇل تۋرالى جەرگىلىكتى تابيعي اپاتپەن كۇرەس جانە ونىڭ سالدارىن جويۋ جونىندەگى اگەنتتىكتىڭ جەدەل باسقارۋ ورتالىعىنىڭ باسشىسى دجوناتان كويريەۆوا مالىمدەدى، دەپ حابارلايدى Almaty-akshamy.kz قازاقپارات اگەنتتىگىنە سىلتەمە جاساپ.
«جەراستى دۇمپۋلەر قاتتى سەزىلدى. ولار ۇيلەردى، مەيرامحانا جانە باسقا دا عيماراتتاردى زاقىمدادى»، - دەدى ول تەلەفون ارقىلى سينحۋا اگەنتتىگىنە.
ەلدىڭ مەتەورولوگيا، كليماتولوگيا جانە گەوفيزيكا اگەنتتىگىنىڭ مالىمەتىنشە، جەر سىلكىنىسى جەرگىلىكتى ۋاقىت بويىنشا ساعات 13:28-دە بولعان، ونىڭ ەپيسەنتى دجاياپۋرا پروۆينسياسىنىڭ اكىمشىلىك ورتالىعىنان وڭتۇستىك-باتىسقا قاراي ءبىر شاقىرىم جەردە، وشاعى 10 شاقىرىم تەرەڭدىكتە بولعان.