«بۇل قادامدار جەڭىل ونەركاسىپ سالاسىنىڭ كاسىپورىندارىنا قولداۋ كورسەتىپ، ولاردىڭ وندىرىستىك قۋاتىن كەڭەيتۋگە جانە جاڭا جۇمىس ورىندارىن اشۋعا مۇمكىندىك بەرەدى. جەڭىل ونەركاسىپ ونىمدەرىن وندىرۋگە ارنالعان تاۋارلاردىڭ جەكەلەگەن تۇرلەرىنە كەدەندىك باجداردى تولەۋدەن بوساتۋ قاراستىرىلعان. سونداي-اق جەڭىل ونەركاسىپ كاسىپورىندارىنىڭ نەعۇرلىم ارزان جانە ىڭعايلى وندىرىستىك الاڭدارعا، جالپى ينفراقۇرىلىمدىق قىزمەتتەرگە، جەڭىلدەتىلگەن اكىمشىلىك راسىمدەرگە، جەڭىلدەتىلگەن سالىق سالۋ مەن قارجىلاندىرۋعا قول جەتكىزۋىن قامتاماسىز ەتۋ ءۇشىن مينيسترلىك جەڭىل ونەركاسىپ تاۋارلارىن قىزمەتتىڭ باسىم تۇرلەرىنىڭ تىزبەسى 9 ارنايى ەكونوميكالىق ايماقتا ەنگىزدى»، – دەدى سپيكەر.
سالاداعى بارلىق جۇمىستى ۇيىمداستىرۋ ءۇشىن مەملەكەتتىك قولداۋ شارالارىنىڭ بولۋى ماڭىزدى. وسى ورايدا ساتىپ الۋ/ساتۋ كەزىندە وتاندىق تاۋارلارعا باسىمدىق بەرۋ كوزدەلگەن. مەملەكەتتىك ورگاندار مەملەكەتتىك قولداۋدى كەڭەيتۋگە، باسەكەگە قابىلەتتى ءونىمدى ارتتىرۋعا، سونداي-اق ەكونوميكانىڭ ءتۇرلى سالاسىنا ينۆەستيسيا تارتۋعا باعىتتالعان وتاندىق كاسىپورىنداردى قولداۋ بويىنشا بەلسەندى جۇمىستى جالعاستىرادى. اتالعان شارالار دايىن ءونىم كولەمىنىڭ وسۋىنە، سونداي-اق جەڭىل ونەركاسىپتىڭ دامۋىنا ىقپال ەتەدى.