كەزدەسۋدە ۇيىمنىڭ كۇش الەۋەتىن جەتىلدىرۋ ماسەلەسى تالقىلاندى
ۇجىمدىق قاۋىپسىزدىك شارتى ۇيىمىنىڭ (ۇقشۇ) باس حاتشىسى يمانعالي تاسماعامبەتوۆ رەسەي فەدەراسياسىنىڭ قورعانىس ءمينيسترى، گەنەرال سەرگەي شويگۋمەن كەزدەستى، دەپ حابارلايدى Almaty-akshamy.kz Zakon.kz-كە سىلتەمە جاساپ.
ۇقشۇ سايتى تاراتقان مالىمەتتە شويگۋ تاسماعامبەتوۆتى جاڭا قىزمەتىمەن (2023 جىلى 1 قاڭتاردان باستاپ ءۇش جىل مەرزىمگە) قۇتتىقتاعانى ايتىلادى.
"وسى ماڭىزدى جانە جاۋاپتى لاۋازىمعا تاعايىندالۋىڭىزبەن بىردەن قۇتتىقتاي كەتكىم كەلەدى، ويتكەنى ءبىزدىڭ ۇيىمعا كوپ نارسە بايلانىستى. مەملەكەتتىك اۋقىمداعى، ال ءقازىر مەملەكەتارالىق اۋقىمداعى قايراتكەر رەتىندەگى وراسان زور تاجىريبەڭىز، ونىڭ ىشىندە قازاقستاننىڭ قارۋلى كۇشتەرىن قالىپتاستىرۋعا جۇمساعان ەرەن ەڭبەگىڭىز، قورعانىس ءمينيسترى رەتىندەگى تاجىريبەڭىزدى ەسكەرە وتىرىپ، وزىڭىزگە ءۇمىت ارتامىن"، - دەدى رەسەي فەدەراسياسىنىڭ قورعانىس ءمينيسترى سەرگەي شويگۋ.
كەزدەسۋ بارىسىندا شويگۋ مەن تاسماعامبەتوۆ ۇيىمنىڭ اسكەري قۇرامداس بولىگىن دامىتۋ، سونداي-اق ونىڭ كۇش الەۋەتىن جەتىلدىرۋ ماسەلەلەرىن تالقىلادى.
يمانعالي تاسماعامبەتوۆ ۇقشۇ-نىڭ باس حاتشىسى قىزمەتىنە 2023 جىلدىڭ 1 قاڭتارىنان باستاپ كىرىستى. ۇقشۇ باس حاتشىسى ءۇش جىلعا تاعايىندالادى. تاسماعامبەتوۆكە دەيىن ۇقشۇ باس حاتشىسى قىزمەتىن ستانيسلاۆ زاس اتقاردى. ۇقشۇ-عا رەسەي، ارمەنيا، بەلارۋس، قازاقستان، قىرعىزستان جانە تاجىكستان كىرەدى.
2023 جىلى 13 اقپاندا مينسكىدە الەكساندر لۋكاشەنكو يمانعالي تاسماعامبەتوۆپەن كەزدەستى.