«ستراندج» ءتۋرنيرى كىشى الەم چەمپيوناتى رەتىندە باعالانادى
قازاقستاندىق ەراسىل تاڭقاي بولگاريا استاناسى سوفيا قالاسىندا ءوتىپ جاتقان بوكستان حالىقارالىق «ستراندج-2023» تۋرنيرىندە العاشقى جەكپە-جەگىن وتكىزدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ەل قۇراماسىنان ءبىرىنشى بولىپ رينگكە شىققان ول، 60 كەلى سالماقتا يتاليالىق دانيەلە سالەرنومەن قولعاپ ءتۇيىستىردى. جەكپە-جەك بارىسىندا ول قارسىلاسىن ءۇشىنشى راۋندتا تەحنيكالىق نوكاۋتپەن جەڭدى. ەكىنشى جانە ءۇشىنشى راۋندتاردا يتاليا بوكسشىسىن نوكداۋنعا دا جىبەرگەن ەدى.
وسىلايشا ول جارىستىڭ 1/8 فينالىنا جولداما الدى.
ماماندار اراسىندا «ستراندج» ءتۋرنيرى كىشى الەم چەمپيوناتى رەتىندە باعالانادى.
حالىقارالىق تۋرنير 19-27 اقپان ارالىعىندا وتەدى.
بىلعارى قولعاپ باسەكەسى 1950 جىلدان بەرى تۇراقتى تۇردە ۇيىمداستىرىلىپ كەلەدى. اتالعان تۋرنير 2024 جىلعى جازعى وليمپيادا ويىندارىنا ىرىكتەۋ كەزەڭى سانالادى.
بىلتىر اتالعان تۋرنيردە قازاقستاندىق بوكسشىلار 17 مەدالمەن (4 التىن، 4 كۇمىس، 9 قولا) جالپىكوماندالىق ەسەپتە ەكىنشى ورىن العان ەدى.
بيىلعى «ستراندج» كۋبوگىندەگى قازاقستاندىقتاردىڭ قارسىلاستارى تۋرالى بۇعان دەيىن جازعان بولاتىنبىز.