قازاقستاندىق مۋزىكانت، ديدجەي، گرەممي سىيلىعىنىڭ يەگەرى Imanbek بەلگىلى بريتاندىق توپپەن بىرلەسىپ جاڭا ءان شىعاردى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«بۇل كوللابوراسيا زاماناۋي رەمەيكتە كلاسسيكالىق مەتالل-بەنگەر جاساۋعا كومەكتەستى. بۇگىندە الەمدىك روك تاريحىنداعى ەڭ تانىمال كومپوزيسيالاردىڭ ءبىرى جاس بۋىن اراسىندا ەكىنشى رەت، جاڭا مانگە يە بولادى»، - دەپ اتاپ ءوتتى يمانبەك زەيكەنوۆ.
جاڭا مۋزىكالىق تۋىندى ەكلەكتيكانى جاڭا دەڭگەيگە كوتەرىپ، ستيلدەردىڭ ۇيلەسىمىن عانا ەمەس، داۋىرلەردى دە بىرىكتىردى. «Pour Some sugar On Me» بۇگىننەن باستاپ بارلىق پلاتفورماعا شىقتى.
كلاسسيكالىق روكتان سلەپ-حاۋسقا extended نۇسقامەن بىرتىندەپ اۋىسۋ جانە jayover رەميكسى جاڭا ترەكتىڭ وسى كوكتەمدەگى ەڭ سۇرانىسقا يە بي فونوگراممالارىنىڭ تىزىمىنە سەنىمدى تۇردە قوسىلۋىنا مۇمكىندىك بەرەدى.
«ءبىز ءۇشىن قازاق تالانتىمەن بىرلەسىپ جۇمىس ىستەۋ كەرەمەت تاجىريبە بولدى. تىڭداۋشىلاردىڭ ەڭ سۇيىكتى سينگلدەرىنىڭ ءبىرى مۋزىكاداعى جاڭا ۇرپاق پەن ترەندتىڭ سيمۆولى بولا الاتىنىنا ۇمىتتەنەمىز»، - دەيدى Def Leppard.
ايتا كەتسەك، Def Leppard – 1977 جىلى قۇرىلعان ايگىلى روك توبى.1995 جىلى ءبىر كۇن ىشىندە 3 كونتينەنتتە ونەر كورسەتكەن جالعىز ورىنداۋشى توپ رەتىندە گيننەسستىڭ رەكوردتار كىتابىنا ەندى. «Pour Some sugar On Me» سينگلىنە تۇسىرىلگەن بەينەكليپ اقش-تا 2-ورىنعا يە بولدى، رەكوردتىق 73 كۇندە MTV ارناسىندا 1-ورىنعا يە بولدى. سونىمەن قاتار، 2006 جىلى «80-جىلدارداعى ەڭ كەرەمەت 100 ءان» رەيتينگىندە VH1 ارناسىندا 2-ورىنعا كوتەرىلدى.
ەسكە سالايىق، قازاقستاندىق مۋزىكانت Imanbek 2021 جىلى SAINt JHN-نىڭ «Roses» انىنە جازىلعان رەميكسىمەن Grammy سىيلىعىن جەڭىپ الدى.
ال، بىلتىر Imanbekء-تىڭ تۋىندىسى 1 ملرد مارتە تىڭدالعانى ءۇشىن Spotify سىيلىعىنا لايىق تانىلعان بولاتىن.
ودان بولەك، يمانبەك زەيكەنوۆ GQ جۋرنالىنىڭ «جىل جاڭالىعى» اتالىمىندا ماراپاتتالدى.
Imanbekء-تىڭ «Pour Some sugar On Me» جاڭا ترەگىن وسى سىلتەمەدەن تىڭداۋعا بولادى.