يسلام دىنىندە ادامنىڭ ءومىرى مەن دەنساۋلىعىنان اسقان قۇندىلىق جوق.
قازاقستان مۇسىلماندارى ءدىني باسقارماسى كۆي-عا قارسى ەكپە سالۋعا شاقىرىپ، ارنايى مالىمدەمە جاسادى، دەپ حابارلايدى Almaty-akshamy.kz Muftyat.kz سايتىنا سىلتەمە جاساپ.
اتالمىش ۇندەۋدە ارنايى مەديسينا ماماندارى قازىرگى تاڭدا الەمگە ءقاۋىپ توندىرگەن كوروناۆيرۋس ىندەتىنىڭ الدىن الۋ ءۇشىن ۆاكسيناسيالاۋدىڭ ادام دەنساۋلىعىن ساقتاپ قالۋدىڭ ءقاۋىپسىز جانە ءتيىمدى ءادىس ەكەنىن ايتقانىن جەتكىزگەن.
ال شاريعات بويىنشا ءزارۋ جاعدايدا ەكپە سالۋعا بولادى. الايدا ەكپە سالدىرۋ – ءار ازاماتتىڭ ءوز ەركى.
«وزدەرىڭىزگە بەلگىلى، الەمدە جانە ەلىمىزدە پاندەميالىق جاعداي كۇن سايىن كۇردەلەنۋدە. جۇقپالى دەرتتەن ءبىر وتباسىندا بىرنەشە ادام جان تاپسىرۋدا. بۇل جاعداي ەكپە سالدىرۋعا قاتىستى وڭ شەشىم قابىلداۋ قاجەتتىگىن كورسەتىپ وتىر. وسى رەتتە حالىقتى بارىنشا ساقتانىپ، دەنساۋلىعىمىز بەن ءومىرىمىزدى ساقتاپ قالۋ ءۇشىن ەكپە سالدىرۋعا ۇندەيمىز»، – دەلىنگەن ۇندەۋدە.