WSJ مالىمەتىنشە، كاسىپكەر SpaceX مەملەكەتتىك كەلىسىمشارتتارىنا، ونداعان مىڭ جۇمىس ورىندارىنا جانە تريلليون دوللارلىق ينۆەستورلاردىڭ اكتيۆتەرىنە ءقاۋىپ توندىرەتىن ءارتۇرلى ەسىرتكىلەردى پايدالانادى.
Tesla جانە SpaceX توپ-مەنەدجەرلەرى وسى كومپانيالاردىڭ باس ديرەكتورى يلون ماسكتىڭ ەسىرتكى قولدانىپ جۇرگەنىنە الاڭداپ وتىر، دەپ حابارلايدى اlmaty-akshamy.kz The Wall Street Journal (WSJ) باسىلىمىنا سىلتەمە جاساپ حابارلايدى.
"تىيىم سالىنعان زاتتاردى پايدالانۋ SpaceXء-تىڭ ۇكىمەتپەن ميللياردتاعان دوللارلىق كەلىسىمشارتتارىنا ءقاۋىپ ءتوندىرۋى مۇمكىن"، - دەپ ءتۇسىندىردى باسىلىم.
اقش ۇلتتىق اەروناۆتيكا جانە عارىش كەڭىستىگىن زەرتتەۋ باسقارماسى (NASA) بۇل فيرمانىڭ قىزمەتىن بىرنەشە رەت قولدانعان.
دەگەنمەن، يلون ماسك The Wall Street Journal (WSJ) باسىلىمىنىڭ ساۋالىنا جاۋاپ قايتارعان جوق.
"SpaceX-تە ەسىرتكى سىناقتارىنان ۇنەمى جانە كەزدەيسوق تۇردە ءوتىپ تۇرادى. بىردە-بىر رەت وتپەي قالماعان"، - دەدى ونىڭ ادۆوكاتى الەكس سپيرو.
سونداي-اق، باسىلىمنىڭ حابارلاۋىنشا، ماسك ءوز كومپانيالارى قۇنىنىڭ اجىراماس بولىگى بولىپ تابىلادى. سوندىقتان، ونىڭ ارەكەتتەرى ينۆەستورلاردىڭ 1 ترلن دوللارلىق اكتيۆتەرىنە، ونداعان مىڭ جۇمىس ورىندارىنا جانە اقش عارىش باعدارلاماسىنىڭ ماڭىزدى بولىگىنە ءقاۋىپ ءتوندىرۋى ىقتيمال.
"عالامشارداعى ەڭ باي ادام جەكەمەنشىك ويىن-ساۋىق كەشتەرىندە لسد، كوكاين، ەكستازي جانە گالليۋسينوگەندى ساڭىراۋقۇلاقتاردى پايدالانادى. ال بۇل كەشكە قاتىسۋشىلار اقپاراتتى جاريالاماۋ تۋرالى كەلىسىمگە قول قويىپ نەمەسە شاراعا كىرەر الدىندا تەلەفوندارىن تاپسىرادى"، - دەپ اتاپ ءوتتى باسىلىمنىڭ دەرەككوزدەرى.