الەمگە تانىمال كاسىپكەر يلون ماسكتىڭ اناسى مەي ماسك 17 قازاندا وتەتىن ورتالىق ازيا ايەلدەرىنە ارنالعان BeWoman فورۋمىنا قاتىسۋ ءۇشىن الماتىعا كەلدى، دەپ حابارلايدى aqshamnews.kz
فورۋم بارىسىندا مەي ماسك الماتىلىقتارمەن دەنساۋلىق، دۇرىس تاماقتانۋ، قارتايۋ، گەندەرلىك تەڭدىك، بالالاردى جالعىز تاربيەلەۋ، قيىندىقتاردى جەڭۋ جانە وزىنە دەگەن سەنىمدىلىكتى ارتتىرۋ تاقىرىپتارىندا تاجىريبەسىمەن بولىسەدى.
ساپارى بارىسىندا بۇگىن مەي ماسك ىقىلاس دۇكەن ۇلى اتىنداعى ۇلت اسپاپتار مۇراجايىنا بارىپ، قازاق حالقىنىڭ ۇلتتىق مۋزىكالىق اسپاپتارىمەن تانىستى. ول مادەنيەتىمىزدىڭ باي مۇراسىن جوعارى باعالاپ، قازاق اسپاپتارىنىڭ تاريحىنا ۇلكەن قىزىعۋشىلىق ءبىلدىردى.