ەڭ باي ادامدار تىزىمىندە كوش باستاپ تۇرعان كاسىپكەر ءوزىنىڭ جەكە قالاسىن سالۋدى جوسپارلاپ وتىر.
يلون ماسك قالا قۇرلىسىن باستاۋ ءۇشىن تەحاستان بىرنەشە جەر ساتىپ الىپ ۇلگەردى. ول SpaceX Musk جانە Boring Company نىساندارى ورنالاسقان وستين ەلدى مەكەنىن تاڭداعان، دەپ حابارلايدى Almaty-akshamy.kz Egemen.kz-كە سىلتەمە جاساپ.
ال قالا مارتەبەسىن الۋ ءۇشىن وندا كەمىندە 201 تۇراقتى تۇرعىن بولۋى كەرەك. وسىدان كەيىن قالا بارلىق كارتاعا ەنگىزىلىپ جانە پوشتا دەرەكتەرى تاعايىندالادى. قالاعا سنەيلبرۋك اتاۋى بەرىلەدى. Snaile اعىلشىن تىلىنەن ۇلۋ دەپ اۋدارىلادى. بۇل اتاۋ كەزدەيسوق تاڭدالماعان.
بۇل ماسكتىڭ ىسكەرلىك پوزيسياسىن كورسەتەدى. ول كەز كەلگەن پروسەستەردىڭ، سونىڭ ىشىندە ءدال وسى قالا قۇرىلىسىنىڭ جىلدامدىعىن ارتتىرۋدى جانە ۇلۋلارعا قاراعاندا جىلدامىراق جۇمىس ىستەيتىن تەحنيكانى تابۋ كەرەك دەپ ەسەپتەيدى.
ماسك قالانىڭ العاشقى تۇرعىندارى وزىنە تيەسىلى كومپانيالاردىڭ قىزمەتكەرلەرى بولاتىنىن مالىمدەدى. ولار ءۇشىن قالاداعى قىزمەتتەردى پايدالانۋدا جەڭىلدىك قاراستىرىلىپ، جاقسى جاعداي جاساۋ جوسپارلانۋدا.
سونداي-اق سنەيلبرۋكتىڭ ساياسي جانە اكىمشىلىك جۇيەسى مەملەكەتتىك جۇيەگە ساي بولادى. قالا مەرىن سايلاۋ ادەتتەگى ەرەجەلەر بويىنشا وتەدى.