الماتىنىڭ پاترۋلدىك پوليسيا قىزمەتكەرلەرى قارۋ ۇستاعان ەر ادامدى ۇستادى.
27 جاستاعى ش. ەسىمدى ازاماتتىڭ كولىگىن بۋران-015 پاترۋلدىك ەكيپاجىنىڭ قىزمەتكەرلەرى "وجەت" شاعىناۋدانىندا توقتاتقان، دەپ حابارلايدى Almaty-akshamy.kz Polisia.kz-كە سىلتەمە جاساپ.
ءتارتىپ ساقشىلارىن كورگەن Kia اۆتوكولىگىنىڭ جۇرگىزۋشىسى ايتارلىقتاي قوبالجىعان. ونىڭ سەبەبى، سالوننان پاتروندارى مەن وقتارى بار تراۆماتيكالىق تاپانشا تابىلعان كەزدە بەلگىلى بولدى. شەتەلدىك كولىكتىڭ جۇرگىزۋشىسى بۇل زاتتاردىڭ شىعۋ تەگى مەن تيەسىلىلىگىن تۇسىندىرە المادى.
ساراپتاما تاعايىندالدى، ناتيجەسىندە ش. ەسىمدى ازاماتتىڭ ىس-ارەكەتىنە قۇقىقتىق باعا بەرىلەتىن بولادى. قىلمىستىق ءىستىڭ باسقا دا مالىمەتتەرى ق ر قپك-نىڭ 201-بابى جانە ق ر كونستيتۋسياسىنىڭ نورمالارىنا سايكەس جاريا ەتۋگە جاتپايدى.