امەريكالىق كاسىپكەر يلون ماسك امەريكانىڭ ەكس-پرەزيدەنتى دونالد ترامپتىڭ Twitter-دەگى اككاۋنتىن بلوكتان شىعاردى، دەپ حابارلايدى Almaty-akshamy.kz Inform.kz-كە سىلتەمە جاساپ.
كەشە ي.ماسك Twitter-دەگى جەكە پاراقشاسىندا ساۋالناما باستاعان بولاتىن. ول: «بۇرىنعى پرەزيدەنت ترامپتى قايتارۋ»، - دەپ جازىپ، تاڭداۋعا ەكى نۇسقانى ۇسىندى: «ءيا» نەمەسە «جوق». داۋىس بەرۋ 24 ساعاتقا جالعاستى. ءبىر تاۋلىكتە 15 ميلليوننان ءسال استام ادام تاڭداۋ جاسادى. ولاردىڭ 51،8% پروسەنتى ترامپ اككاۋنتىن قايتارۋدى قولداسا، 48،2% قارسى ەكەنىن ءبىلدىردى.
يلون ماسك ساۋالناما ناتيجەسىن Twitter-دە جاريالادى. جازۋىنشا، ساۋالنامانى 134 ملن ادام وقىعان.
ەسكە سالايىق، 2021 جىلدىڭ قاڭتارىندا Twitter الەۋمەتتىك جەلىسى اقش-تىڭ سول كەزدەگى پرەزيدەنتى دونالد ترامپتىڭ اككاۋنتىن ءبىرجولاتا بلوكتاپ تاستاعان بولاتى.
ترامپ ەل باسشىسى لاۋازىمىندا 26 مىڭنان استام تۆيت جاريالاعان. كۇنىنە ورتا ەسەپپەن 18 تۆيت جازىپ وتىرعان.
يلون ماسك بيىلعى قازان ايىنىڭ سوڭىندا Twitterء-دى 44 ميلليارد دوللارعا ساتىپ العان ەدى.
سۋرەت: Vedomosti.ru