احان بيجانوۆ، الماتى قالاسى ارداگەرلەر كەڭەسىنىڭ ءتوراعاسى:
– ءاربىر سايلاۋدىڭ ورنى مەن ۋاقىتى بولادى. بۇگىنگى سايلاۋدىڭ دا ماڭىزى زور. ازاماتتار بەلسەندىلىك تانىتىپ، ءوزىنىڭ قۇقىعىن پايدالانىپ، تاڭمەن تالاسا سايلاۋ ۋچاسكەلەرىنە بارۋدا. مەن جاڭا عانا سايلاۋ ۋچاسكەمە بارىپ، ءوز تاڭداۋىمدى جاسادىم. ءبىر قۋانتارلىعى، داۋىس بەرۋگە كەلگەندەردىڭ دەنى – جاستار. بالا-شاعاسىمەن، وتباسىمەن كەلىپ داۋىس بەرۋدە. ارينە، ءبىزدىڭ ارداگەرلەر دە بۇل ناۋقاننان تىس قالعان جوق. ولار دا سايلاۋعا بەلسەنە قاتىسادى. جاستارعا ۇلگى كورسەتىپ، ەرتەمەن ءوز ۋچاسكەلەرىنە بارىپ، داۋىس بەردى. جالپى، سايلاۋدىڭ ابىرويمەن وتەتىنىنە ەشقانداي كۇمان جوق. ونىڭ كەپىلى – ۇرپاقتار ساباقتاستىعى، ۇلتتىق سانا-سەزىمى. الماتىلىقتار سايلاۋعا تۇگەل ات سالىسسا ەكەن دەيمىن.