يلون ماسك الەمدەگى ەڭ باي ادامدار تىزىمىندە ءبىرىنشى ورىننان ءتۇسىپ قالدى

ماسكتىڭ قازىرگى بايلىعى - 184،6 ميلليارد دوللار.

SpaceX قوجايىنى يلون ماسك، Forbes مالىمەتتەرى بويىنشا، الەمدەگى ەڭ باي ادامدار تىزىمىندە فرانسۋزدىڭ LVMH ترانسۇلتتىق كومپانياسىنىڭ يەسى - ميللياردەر بەرنارد ارنوعا جول بەرىپ، ءبىرىنشى تۇرعان ورنىنان ايىرىلدى، دەپ حابارلايدى Almaty-akshamy.kz Elorda.info سايتىنا سىلتەمە جاساپ.

ماسكتىڭ قازىرگى بايلىعىن 184،6 ميلليارد دوللار، ال ارنو مەن ونىڭ وتباسى 185،1 ميلليارد دوللارعا يە ەكەن.

فرانسۋزدىڭ LVMH ترانسۇلتتىق كومپانياسى louis vuitton، Givenchy، Guerlain، Kenzo، Moët & Chandon، Hennessy جانە تاعى باسقا تانىمال ساۋدا تاڭبالارىندا ءساندى تاۋارلار شىعارادى. شتاب پاتەرى پاريجدە ورنالاسقان.

يلون ماسك 2022 جىلدىڭ كوكتەمىندە Forbes ميللياردەرلەرىنىڭ رەيتينگىندە العاش رەت كوش باستادى. 2022 جىلدىڭ 11 ناۋرىزىنداعى ەسەپ بويىنشا، ماسكتىڭ بايلىعى 219 ميلليارد دوللاردى قۇرادى. وسىلايشا، ءبىر جىل ىشىندە ماسك 68 ميلليارد دوللارعا بايىپ، رەيتينگ كوشباسىنداعى Amazon كومپانياسىنىڭ نەگىزىن قالاۋشى دجەفف بەزوستى (بايلىعى 171 ميلليارد دوللارعا تەڭ) ىعىستىرعان بولاتىن.