"مەنىڭ قاپشاعاي سۋ قويماسى مەن ىلە وزەنىنىڭ جاعالاۋىندا زاڭسىز بەرىلگەن 82 جەر ۋچاسكەسىنە قاتىستى ارىزىما سايكەس، ق ر اشم جەر رەسۋرستارىن باسقارۋ كوميتەتى الماتى وبلىسىنىڭ جەر رەسۋرستارىن باسقارۋ دەپارتامەنتىنە جوسپاردان تىس تەكسەرۋ جۇرگىزۋ تۋرالى تاپسىرما جولدادى!" - دەلىنگەن جازبادا.
دەپۋتاتتىڭ ايتۋىنشا، قاپشاعاي سۋ قويماسى مەن ىلە وزەنىنىڭ سۋ قورعاۋ بەلدەۋلەرىندە ورنالاسقان 82 جەر ۋچاسكەسى جەكە جانە زاڭدى تۇلعالاردىڭ مەنشىگىنە راسىمدەلىپ كەتكەن. ال مۇنداي جەرلەردى جەكەشەلەندىرۋگە زاڭمەن تىيىم سالىنعان.
جەر كودەكسى مەن سۋ كودەكسى بويىنشا، سۋ قورعاۋ ايماقتارى مەن ەرەكشە قورعالاتىن تابيعي اۋماقتار (ەقتا) اينالىمعا شىعارىلماۋى ءتيىس. ءبىراق ەگكن بازاسىندا بۇل ۋچاسكەلەر جەكە مەنشىك رەتىندە تىركەلگەنى انىقتالدى.
"ناتيجەسىندە قاراپايىم حالىق كاپشاعاي سۋ قويماسى مەن ىلە وزەنىنىڭ ارناسىنا ەركىن وتە الماي وتىر. سۋ جاعالاۋى بەتون دۋالدارمەن قورشالعان. بۇل – ازاماتتاردىڭ سۋ رەسۋرستارىنا ەركىن قول جەتكىزۋ قۇقىعىن ورەسكەل بۇزۋ"، - دەپ جازدى باقىتجان بازاربەك.
دەپۋتات باس پروكۋراتۋراعا، اۋىل شارۋاشىلىعى مينيسترلىگىنىڭ جەر رەسۋرستارىن باسقارۋ كوميتەتىنە جانە سۋ رەسۋرستارى جانە يرريگاسيا مينيسترلىگىنە رەسمي تۇردە ءوتىنىش جولداعانىن ايتتى.