رەزەرۆات اۋماعىنا بۇعىلاردى جەرسىندىرۋ 2018 جىلى باستالعان
التىن ەمەل ۇلتتىق پاركىنەن «ىلە-بالقاش» رەزەرۆاتىنا شامامەن 50 باس قۇلان جەتكىزىلدى. بۇل تۋرالى Almaty-akshamy.kz ەكولوگيا مينيسترلىگىنە سىلتەمە جاساپ حابارلايدى.
قۇلانداردىڭ ورتاعا بەيىمدەلۋى جۇمساق تۇردە ءوتۋى ءۇشىن جانۋارلار اۋماعى 22 گەكتار بولاتىن ارنايى قورشاۋعا ورنالاستىرىلدى. ول جەردە شامامەن 5-7 اي ۋاقىتقا دەيىن بولادى، ودان كەيىن تۇياقتىلار تابيعي ورتاعا جىبەرىلمەك.
سونىمەن قاتار اتالمىش اۋماققا تاعى دا بۇقار بۇعىلارى اكەلىندى. رەزەرۆات اۋماعىنا بۇعىلاردى جەرسىندىرۋ 2018 جىلى باستالعان بولاتىن – سول جىلى العاش رەت 5 تۇياقتى قورشاۋ ىشىنە جىبەرىلگەن. ەرەكشە قورعالاتىن تابيعي اۋماق 2019 جىلى 17 باس، 2020 جىلى 30 باس، 2021 جىلى 53 جانە بيىل 54 باس بۇعىمەن تولىقتى، ونىڭ 15ء-ى قازىرگى تاڭدا قورشاۋعا جىبەرىلگەن.
قىزىل كىتاپقا ەنگەن جانۋارلاردىڭ قوزعالۋ اۋماعىن باقىلاۋ ماقساتىندا ءار قورشاۋدىڭ ىشىنە 2 فوتوتۇزاقتان ورناتىلعان.
ايتا كەتەيىك، تۇياقتىلاردىڭ بالقاش اۋدانىنا ورالۋى جولبارىستى قازاقستانعا جەرسىندىرۋ باعدارلاماسى اياسىندا ىسكە اسىرىلىپ وتىر. ونى ورمان شارۋاشىلىعى جانە جانۋارلار دۇنيەسى كوميتەتى دۇنيەجۇزىلىك جابايى تابيعات قورىمەن بىرلەسىپ، بۇۇدب قولداۋىمەن ىسكە اسىرادى.